June 12, 2024

TINGNAN | San Mateo Rizal Independence Day Job Fair 2024

Higit sa 520 mga job seekers ang nagtungo ngayong araw sa SM City San Mateo para sa idinaos dito na “Trabaho para sa Super Pinoy Job Fair 2024: San Mateo Rizal Independence Day Job Fair”. Bago pa man tuluyang magsimula ang naturang aktibidad, naghandog ng makabuluhang mensahe para sa mga job applicants at participating companies sina SM Mall Manager G. Francis Lira, Bb. Vicky Natanauan ng Department of Labor and Employment (DOLE), at Bb. Marizza Cabug-os ng ating Public Employment Service Office (PESO).

Ayon sa kanila, maiging samantalahin ng bawat aplikanteng naroon ang oportunidad na inihahandog ng bawat kompanyang nakibahagi sa job fair na ito. Para naman sa mga recruiters, sila nawa ay makapili ng mga kuwalipikadong job seekers na naaangkop para sa kanilang job vacancies. Narito rin sina Mayor Omie Rivera, Congressman Jojo Garcia, at Vice Mayor Jaime Romel M. Roxas upang bumati sa mga nakibahagi.

Maraming salamat sa lahat ng mga dumalo at nakipagsapalaran sa ating San Mateo Rizal Independence Day Job Fair! Isang mainit na pagbati rin para sa higit 100 nating mga kababayang hired on the spot!

Dito sa San Mateo, may trabaho at oportunidad na handog sa’yo!

#SanMateoRizalLGU
#SanMateoRizalPIO