Sa ilalim ng mandato ng Republic Act No. 11032, o kilala rin bilang Ease of Doing Business and Efficient Government Service Delivery Act Of 2018, ang BPLO ay inatasang pamahalaan ang pagpasok at ang pangongolekta ng local business tax ng lahat ng mga establisyimentong pang-negosyo sa ating bayan. Bilang isang departamentong nakapagbibigay-kita, hangarin ng BPLO ang patuloy na pagbibigay ng malinis na serbisyo sa pamamagitan ng pagkilos nang naaayon sa inatas sa kanilang tungkulin batay sa umiiral na batas, pagiimplementa ng mga nararapat na patakaran sa lahat ng klase ng indibidwal o grupo, magsilbi ng may integridad at siguruhing matatamasa at mapapakinabangan ng mga taga-San Mateo ang iba’t-ibang mga proyekto at imprastrakturang maipapatayo sa pamamagitan ng mga nakolektang local business taxes na siyang sumusuporta sa kita ng Pamahalaang Bayan.

Pagpaparehistro. Ito ay isang tuluy-tuloy, permanente at kinakailangang pagtatala ng mahahalagang pangyayari sa buhay ng isang indibidwal tulad ng kapanganakan, kasal, at kamatayan. Gaya ng ipinag-uutos ng Republic Act No. 3753 na kilala bilang Civil Registry Law, ang pangunahing tungkulin ng civil registration ay ang maging pinanggagalingan at basehan ng mga detalyeng inilalagay sa mga legal na dokumento na kinakailangan ng ating batas.

Isang departamentong may angkop na teknolohiya na magpapahusay sa pagtatala ng mga impormasyon upang matugunan ang mga hamon ng kasalukuyang ika-21 siglo—iyan ang ninanais ng LCR. Sa paggamit ng makabagong teknolohiya, lahat ng mga dokumento ay maiimbak sa kompyuter—magiging mas madali ang pag-tala at paghahanap ng mga talaan. Ang datos na nakalagay sa bawat dokumento ay magiging mas tumpak kumpara sa manu-manong pagtatala. Magreresulta ito sa mas mabilis at mas mabisang pagseserbisyo ng LCR para sa mga mamamayan ng San Mateo.

Sa hangaring makabuo ng mapayapa at ligtas na kapaligiran, sinusunod ng DPOS ang mandato ng ating gobyerno sa pagpapanatili ng kapayapaan at kaayusan sa ating bayan sa pamamagitan ng mahigpit na pagpapatupad ng mga alituntunin at ordinansa.

Bilang departamento na ang tungkulin ay lubos na nakatuon sa pagpataw ng kaayusan sa publiko at pagtugon sa mga problema sa trapiko, kasama sa mga layunin ng DPOS ang paglilingkod at pagprotekta sa interes ng mamamayan ng San Mateo nang may katapatan at paggalang, may mga kinakailangang makabagong kagamitan, makapaglunsad ng mga pagsasanay at seminar para sa mga traffic enforcer sa pakikipagtulungan sa Metro Manila Development Authority (MMDA), at ang organisadong pagpapatupad ng mga traffic scheme gaya ng Oplan One Way para maiwasan ang mabigat na daloy ng trapiko sa ating bayan at mga karatig na bayan at lungsod.

Ang Engineering Department ay may mandato sa pagdidisenyo, pag-inspeksyon, pamamahala, at pagpapahusay ng pampublikong imprastraktura gaya ng ipinag-uutos ng Local Government Code. Ang departamento ay nagpapatupad ng propesyonalismo, pinakamahuhusay na kagawian at naghahatid ng maikli ngunit epektibong solusyon. Bukod pa rito, pananagutan ng departamento ang pagpapanatili at pagkukumpuni ng mga bangketa, kalsada, kanal, at daanan ng tubig.

Ang pangunahing layunin ng opisina ay matiyak na ang mga residente ng San Mateo ay nakakaranas ng ligtas at komportableng pamumuhay. Naisasakatuparan ang layuning ito sa pamamagitan ng maayos na probisyon sa imprastraktura, mga kalsadang nakatuon sa kapakanan ng mga pedestrian, paglalagay ng maliwanag na ilaw sa mga daanan at ligtas na mga kalye.

Upang makamit ito, mahigpit na nangangasiwa ang departamento ng pag-iisyu ng mga building at ancillary permits. Alinsunod ito sa mga Implementing Rules and Regulations ng National Building Code upang tiyakin na ang lahat ng proyekto ay nakakatugon sa mahigpit na pamantayan sa kaligtasan at pagsunod.

Ang pagkakaroon ng propesyonalismo, kakayahan, at kahusayan ng Engineering Office ay makikita sa maayos na paghahatid ng mga serbisyo na naaayon sa pananaw ng munisipalidad para sa “sustainable development” at kaunlaran ng bayan ng San Mateo.

Nilikha ang Gender and Development Office o GAD upang manguna sa pagtitiyak na ang pamahalaan ay tumutugon sa pangkasariang kaunlaran ng mamamayan, kasama ang pagpapalakas, pagpapaunlad at pagsasakapangyarihan ng mga kababaihan ng San Mateo.

Ito ang sangay ng lokal na pamahalaan na nakikipag-ugnayan at nagpapatupad ng lahat ng administratibo at lohistikal na pangangailangan sa pagpapatupad ng mga program, proyekto, aktibidad at mga gawaing may kaugnayan sa pangkasariang kaunlaran ng ating bayan.

tugon sa kasarian; isang munisipalidad na tungo sa kaunlaran at walang isinasantabi, nakatuon sa paglikha ng isang lipunang malaya sa pang-aapi, karahasan, at diskriminasyon batay sa kasarian.

Ang Tanggapan ng Kalinangang Pantao ay naatasan ng batas ipang isulong ang pagbibigay ng epektibo at mabisang serbisyo sa pamamagitan ng paglinang at paghasa sa kaalaman at kakayahan ng mga kawani ng gobyerno. Bahagi ng mandato ng aming tanggapan ang:

• Pagtanggap at pagproseso ng mga employment applications hanggang sa ito ay maisumite sa Tanggapan ng Civil Service Commission para sa mga permanenteng posisyon.
• Pagtanggap at pagproseso ng mga kontrata para sa mga JO personnel
• Paggawa/pagproseso ng mga payroll ng lahat ng kawani ng pamahalaan
• Pagproseso ng mga Terminal Leave Benefits
• Pagsusumite ng mga kaukulang dokumento at premiums sa Social Security System, Pag-Ibig at Philhealth

Impormasyon at Teknolohiya. Sa ating makabagong panahon, napakahalaga ng departamento na ito. Upang maghatid ng mga serbisyong may kinalaman sa mga makabagong kagamitan gaya ng gadgets at maghatid ng impormasyon, ang ICTO ay tumutulong sa local na pamahalaan sa pagbibigay ng technical support, pag-aayos ng hardware at software, network maintenance, maayos na internet connection para sa mga online services at empleyado, data base maintenance, website maintenance, website development, paglalagay ng mga CCTV camera sa mga daan at pagpapalipad ng mga drone camera tuwing may mahahalagang okasyon o kaganapan sa munisipyo.

Lahat ng serbisyong may kinalaman sa teknolohiya at impormasyon ay maayos na naihahatid sa mga mamamayan ng San Mateo dahil sa ICTO.

Bilang pagpupunyagi at pagmamahal sa Bayan ng San Mateo, ang Legal Office ay katuwang ng ating Punong Bayan upang maipatupad ng may kahusayan at naaayon sa batas ang mga panuntunan na dapat umiral sa ating minamahal na bayan ng San Mateo para sa kapakanan ng mga mamamayan nito.

Alinsunod sa Republic Act No. 10121 na kilala bilang Philippine Disaster Risk Reduction and Management Act of 2010, ang MDRRMO ay nakatalagang magbigay ng mga serbisyo gaya ng agarang pagtugon at mga rescue operation sa oras ng sakuna, kalamidad, at mga aksidente. Ang MDRRMO, katuwang ang iba pang departamento, ang nagsisiguro na kanilang naiaabot ang mga pangangailangan ng mga evacuees. Sila rin ay nagbabalangkas ng mga programa na makakatulong tungo sa kanilang mas mahusay na pagpapatupad ng mga hakbang tungo sa kahandaan pag may sakuna, nang sa gayon ay mas maging epektibo ang kanilang pagsisilbi sa mga mamamayan ng San Mateo.

Hangad ng MDRRMO na makapagbigay pa ng mas mabilis na aksyon at pagtugon sa gitna ng kalamidad sa pamamagitan ng mas mahusay na mga kagamitan at pasilidad. Kinakailangan din ng ibayong pagsasanay ng mga rescue personnel hindi lamang mula sa ating Pamahalaang Bayan kundi maging sa ating mga barangay upang makamit ang isang sentralisadong kaalaman sa pagtugon tuwing kinakailangan.

Inatasan ang MENRO na bumuo at mag-implementa ng mga Comprehensive Environmental Protection Programs (CEPPs) ng bayan na sumasaklaw sa air, water, land, at biodiversity management—ayon din sa nilalaman ng Environmental Code.

Upang masiguro ang pagpapabuti ng estado ng ating kalikasan, layunin ng MENRO na pakilusin ang bawat komunidad tungo sa pagpapabuti ng kondisyon ng kanilang pamayanan—isang pamayanang napoproteksyunan, kayang mapreserba at panatilihing buhay ang ating mga likas-yaman hanggang sa mga susunod na taon nang sa gayo’y mapakinabangan pa ito ng mga susunod na henerasyon.

Alinsunod sa mga probisyon ng Republic Act No. 7160, o kilala rin sa bilang ang Local Government Code, ang pangunahing responsibilidad ng MHO ay ang pagbibigay ng mga serbisyong pangkalusugan sa mga mamamayan.

Ang mga serbisyong ito, mula sa implementasyon ng mga programa at proyekto ukol sa health care, pagbibigay-daan upang matamasa ang ibayong mga serbisyong pangkalusugan, pagpapatupad ng mga sanitary laws at regulations tungo sa pagkontrol at pag-iwas sa mga sakit, maternal at child care, basic oral healthcare services, pagbibigay-kamalayan ukol sa pagkontrol o pag-iwas ng mga nakakahawa at di-nakakahawang sakit, hanggang sa pagbili ng mga gamot at medisina, medical supplies at mga kinakailanganng kagamitan, ang nagsisilbing inipirasyon ng MHO sa pagnanais na magkaroon ng integrated local health system na abot-kamay, mabisa at pantay-pantay.

Tangan ang determinasyon na makapagbigay ng de-kalidad na serbisyong pangkalusgan sa publiko, ang MHO ay naghahangad ng serbisyong pangkalusugan na S.M.A.R.T:

S - Serves as primary care provider to an integrated health system
M - Measures to standards of care and health systems
A - Accessible and available
R - Results-oriented and data-driven decision-making
T - Technology-enabled system

Alinsunod sa Republic Act No. 8759, na kalaunan ay pinalitan bilang Republic Act No. 10691 (Public Employment Service Office Act of 1999), ang PESO ay nagsisilbing tagapagbukas ng oportunidad, hindi lamang para sa malawak na hanay ng mga trabaho, kundi pati na rin sa pagbibigay-daan sa pagpapaigting ng pangkabuhayang kasanayan ng mga tao. Ito ay magbibigay sa ating mga mamamayan ng esensyal at dagdag na kaalaman upang ihanda sila tungo sa landas ng mga trabahong susuporta sa kanila upang magkaroon ng mas maayos na pamumuhay.

Ang Public Employment Service Office o PESO ay ang katangi-tanging opisina sa munisipyo na ang mandato ay ang tumulong sa mga naghahanap ng trabaho katuwang ang iba’t ibang ahensya katulad ng Department of Labor and Employment (DOLE), Overseas Workers Welfare Administration (OWWA) at mga pribadong kompanya at negosyo. Ang aming tanggapan ay tumutugon sa pangangailang empleyo ng mga mag-aaral, out-of-school-youth (OSY), migrant workers, displaced and distressed workers, migrant workers at mga employers.

Mandato ng PESO na makapagbigay ng napapanahong impormasyon patungkol sa demand ng trabaho itaas ang antas ng kaalaman ng mga tao patungkol sa epektibong paghahanap ng lehitimong trabaho at pagkakakitaan.

Hangarin ng PESO na makapaghain pa ng mga trabaho at pangkabuhayang pagsasanay na mas inklusibo at walang diskriminasyon na hindi lamang tatangkilikin at pakikinabangan ng ating mga lokal na mamamayan kundi pati na rin ng ating mga lokal na negosyo at employer. Ang PESO ay nakatuon din sa pagbuo ng mga plano kung paano makakabuo ng mga epektibong pagsasanay para sa ating mga mamamay, lahat ng antas ng pamumuhay, upang magkaroon sila ng kumpiyansa at kapasidad na magtrabaho nang mahusay at makapaghatid din ng mahusay at de-kalidad na serbisyo.

Itinatag ang MSWDO upang ipatupad at ibigay ang mga pangunahing serbisyo at programang panlipunan sa mga mamamayan ng San Mateo.

Ang pangako ng MSWDO ay paglingkuran at ibigay sa mga tao ang kanilang kailangan. Sa pamamagitan ng pakikinig sa mga mamamayan ng ating lokalidad, mahusay na tutugunan ng MSWDO ang kanilang mga hinaing upang sila ay mahatiran ng tulong na akma sa kanilang mga pangangailangan.

Patungo sa isang mas sistematiko at organisadong paghahatid ng mga serbisyo sa tao, ipinakita at ipapakita pa ng MSWDO ang kanilang pagiging bukas at mahusay na pakikinig sa mga tao sa oras na sila ay pumasok sa kanilang tanggapan, makapagbigay ng tamang tulong at suporta sa kanila upang sila ay aalis nang masaya at panatag sa naging serbisyo ng MSWDO.

Tinitiyak ng MPDO na ang lahat ng mga proyekto, programa, at aktibidad ng mga departamento ay nakaayon sa nilalaman ng misyon at bisyon ng ating Pamahalaang Bayan. Ang MPDO ay inatasan din na subaybayan at suriin ang kahusayan ng bawat departamento pagdating sa pagbabalangkas at pagpapatupad ng mga programa na tutugon sa mga problema o hinaing ng mga nasasakupan sa lokalidad.

Bilang “think tank” ng munisipyo, ang MPDO ay may mahalagang posisyon sapagkat may tungkulin itong ihanay nang naaayon sa misyon at bisyon ng administrasyon ang mga layunin, plano at hakbang ng bawat departamento upang masiguro ang kaunlaran at tagumpay ng pamahalaan.

Ang Public Information Office ay ang opisyal na midya ng Pamahalaang Bayan ng San Mateo, Rizal. Ito ay naatasang mangalap ng mga datos mula sa iba't ibang sektor sa bayan ng San Mateo. Ang tanggapang ito ay nagsisilbing tagapaghayag ng detalyadong impormasyon gaya ng balita, anunsyo, payo, ulat, promosyon at mga napapanahong isyu sa mga mamamayan.

Mandato ng PIO na panatilihing maalam ang mga mamamayan patungkol sa mga programa at plano ng pamahalaang bayan. Naghahatid din ang tanggapan ng mga serbisyo sa pagkuha ng larawan, bidyo, pagsasagawa ng live streaming sa mga aktibidad ng pamahalaan, paglalabas ng anunsyo publiko at pag-post sa social media.

Itinatag ang sanitary unit upang ipatupad at ibigay ang mga pangunahing serbisyo at programang pangkalinisan at pangkapaligiran sa bayan ng San Mateo Rizal. Ang sanitary unit ay nagsisikap na maipatupad nang may malasakit at buong puso ang mga adhikain ng ating pamayanan, makapagbigay ng tamang serbisyo at pangangailangan ng mga mamamayan sa pamamagitan ng pakikinig at pag- aksyon sa kanilang problema pangkapaligiran tulad ng pagsasagawa ng fogging laban sa dengue at malaria. Disinfection sa mga pampublikong palengke, paaralan at mga health center sa iba’t- ibang barangay sa San Mateo gayundin ang pag-iisyu ng mga sanitary permit para sa mga establisyimento at negosyo. Karagdagan proyekto din ng sanitary unit ang pag sisiyasat ng komersiyal na mga paliguan maging pribado man o pampubliko, pag-didisiplina sa mga nagtitinda sa mga gilid ng kalsada (street vendors) at sa mga negosyong industriyal na nakatayo sa bayan ng San MAteo . Upang magkaroon ng magandang kapaligiran ang ating bayan, kailangan ding masagip at ma-kontrol ang mga asong gala upang maiwasan ang kanilang pagdami, pangangagat at pagkalat ng dumi sa paligid. Ito ang mga serbisyong hatid ng sanitary unit para sa tuloy- tuloy na pag unlad ng ating bayan, ang aming opisina ay laging bukas para sa hinaing ng ating mamamayanan na may kahalagahan sa ating kapaligiran.

Dito sa Munisipyo ng San Mateo, ang pagtataguyod ng turismo ay responsibilidad ng lahat. Bawat mamamayan/residente ay may pantay na responsibilidad na isulong ang turismo at protektahan ang kapaligiran para sa pagpapabuti ng turismo. Sa kabilang dako, ang Municipal Tourism Office ng San Mateo ay ang pangunahing tanggapan na pangunahing inaatasan upang isulong ang lokal na turismo sa ibang bahagi ng Rizal at higit pa sa buong Pilipinas.

Ang ilan sa mga aktibidad ng opisina ay kinabibilangan ng mga sumusunod: (1) pangunguna sa fun run

mga aktibidad; (2) mga aktibidad sa pagtatanim ng puno; (3) organizing team para sa Septemberfest na kinabibilangan ng pagdiriwang ng Pista ng Nuestra Señora de Aranzazu at Kakanin Festival.

Ayon sa pangunahing datos ng Tourism Office, ang turismo dito ay parehong binubuo ng mga programang nakakalibang at nagpapaunlad ng kultura.

Nag-iingat at nagsasagawa ng wastong pamamahala ng mga pondo upang suportahan ang mga pangangailangan ng Pamahalaang Bayan hindi lamang para sa mga gastusin sa pagpapatakbo, kundi para sa pagpapabuti ng paghahatid ng mga pangunahing serbisyo at pagsasagawa ng mga proyektong pangkaunlaran.

Ang mahahalagang aspeto ng pagbuo ng pondo ay upang matiyak ang mahusay at epektibong pagpapatupad ng mga koleksyon ng buwis. Ang aming mga pangunahing tungkulin, ay umiikot sa pagiging isang tagakilos sa pagkuha at pamamahala ng pondo mula sa lokal na kita na may pinakamalaking potensyal sa pagkamit ng lokal na pananalapi.

Kabilang sa mga responsibilidad ng tanggapan ang pakikilahok sa bawat kasapian sa iba't ibang lokal na komite na tumutugon sa mga pananagutan sa pananalapi ng LGU, tagapag-alaga at pamamahagi ng mga kagamitan sa halalan, kabilang ang pag-iingat ng mga kahon ng balota sa panahon ng halalan.

Alinsunod sa mandato ng Executive Order No. 82,. 1986, nilikha ang UPAO upang matugunan ang mga kahilingan para sa pag-iisyu ng UPAO Certi- cation na kinakailangan para sa aplikasyon ng mga service utilities para sa kuryente at tubig tulad ng MERALCO at Manila Water. Tinutugunan din ng tanggapan ang mga pagtatalo sa titulo ng lupa at ang mga kahilingan mula sa asosasyon ng mga may-ari ng kabuhayan at pagkain tungkol sa aplikasyon ng mga business permit.

Bilang pangunahing departamento na may kaugnayan sa urban poor af- fairs, layunin ng UPAO na asikasuhin ang mga pangangailangan ng mga urban poor at tumulong sa poverty reduction sa pamamagitan ng pag- bibigay sa bawat kwalipikadong indibidwal at organisasyon ng UPAO Cer- tification upang makakuha sila ng mga serbisyo ng kuryente at tubig at magkaroon ng mas mahusay no mapping procedures upang tiyak na ma- hanap ang mga lugar na may problema sa mga service utilities at upang lumikha rin ng mga relocation programs para sa mga mamamayan ng San Mateo na naninirahan sa mabababang lugar at mga landslide-prone areas.

Ang Office of the Municipal Accountant ay namamahala sa Accounting at Internal Audit Services, naghahanda at nagsusumite ng mga ulat pinansyal o financial statement at nagpapanatili ng talaan ng mga journal voucher at indibidwal na ledger upang makatulong na matiyak ang wastong pangangasiwa ng mga pampublikong pondo ng Munisipyo. Ginagarantiyahan ng Office of the Municipal Accountant ang wastong pagtutuos ng lahat ng mga transaksyong pinansyal ng Lokal na Pamahalaan ng San Mateo, Rizal at tinitiyak ang pagsunod sa mga prinsipyo at gawi sa pangkalahatan, gayundin ang maayos na pamamahala sa pananalapi. Ang mga transaksyon sa pinansyal ay dapat na sumusunod sa lahat ng umiiral na batas, tuntunin at regulasyon nang matapat.

Ang Municipal Agriculture Office o MAO ay ang departamento na ang pangunahing mandato ay makapag bigay ng suporta sa ating mga lokal na “Food Producers” sa pamamaraan ng pagbahagi ng mga makabago at ekonomikal na kaalaman na maaring magamit sa trabaho o hanap buhay. Bukod pa dito ay ang mga produktibong hakbang para makamit natin ang “Food Security” sa kabila ng patuloy na pag taas ng ating populasyon at urbanisasyon. Ang mga pangunahing serbisyo ng tanggapan ng agrikultura ay ang mga sumusunod; (1) Mura at mekanismong pamamaraan sa pag a-araro ng at pag-ani ng palay; (2) Pamamahagi ng binhi, kagamitan, organiko at sintetikong abono gayundin ang organikong pestisidyo; (3) Pagbibigay ng libreng konsultasyon at rekomendasyon ukol sa tanim; (4) Pagdaos ng mga seminar tungkol sa agrikultura at paghahayupan; (5) Murang Anti-Rabies Vaccination at Libreng Konsultasyon sa alagang hayop (Pet Animal & Livestock); (6) Pagbahagi ng modernong pamamaraan sa pagta-tanim (Urban Agriculture). Ang Municipal Agriculture Office ay patuloy ang pakikipag ugnayan sa mga Pribado at Pampublikong ahensya para makapag bahagi pa ng mga programang kapaki-pakinabang para sa agrikultura ng San Mateo.

Ang Municipal Budget Office ay ang opisina sa lokal na pamahalaan na ang mandato ay siguruhing nasa wasto at epektibo ang pag-gamit ng limitadong pondo ng ating pamahalaan para maisakatuparan ang mga iba’t-ibang proyekto at programa ng ating Punong Bayan sa kanyang mga nasasakupan.

Bilang nakasaad sa Sec. 475 ng RA 7160 o mas kilala bilang “Local Government Code of the Philippines”, ang Municipal Budget Office ay may mga sumusunod mandato:

1. pag-gawa ng taunang badyet ng local na pamahalaan na mag-ooperationalize sa mga plano, proyekto at programa ng pamahalaan;

2. ang pagbibigay ng teknikal na mga kaalaman na may kinalaman sa pagba-badyet.

Lokal na departamento na nangangasiwa sa pampublikong sementeryo sa bayan ng San Mateo. Inatasan ang Capilpil o San Mateo Public Cemetery Department upang magbigay ng tamang pamamahala, maghatid ng mabuting serbisyo at makasunod ang pamahalaang bayan sa mga alituntunin sa wastong paglilibing ng mga namayapa. Kaugnay nito, naghahatid ang Capilpil ng tamang registration protocol at renewal sa mga nagpapalibing. Nahahati ang sementaryo sa dalawa: Ang Capilpil o San Mateo Public Cemetery Department na matatagpuan sa munisipyo at ang mismong pampublikong sementeryo.

Ang opisina sa munisipyo ang nagsisilbing opisina na nagseserbisyo sa mga mamamayan hinggil sa renewal, paglilipat at pag-aasikaso ng exhumation ng mga labi. Layunin ng pagiging sentralisado ng departamento na isaayos at mapadali ang paghahatid ng tulong sa ating mga kabababayan. Ang makabagong pagtugon na ito ay upang maipaalam rin sa mga kamag-anak ng namayapa ang kondisyon ng kanilang mahal sa buhay na nasa sementeryo. Plano ng Capilpil na magtayo pa ng mga bagong libingan at paglalagyan ng mga buto ng mga labi. Maaasahan na ang mga kawani ng departamento ay magbibigay ng propesyunal at mapagkalingang serbisyo para sa lahat

Ang General Services Office (GSO) ay nilikha sa pamamagitan ng Republic Act 7160 o ang Local Government Code (LGC) ng 1991. Ito ay isang sangay ng Tanggapan ng Punongbayan at naatasang magbigay ng tulong teknikal at suporta sa pagpapatupad ng mga hakbang para masiguro ang napapanahon at mabisang paghahatid ng mga pangunahing serbisyo at angkop na kagamitan at pasilidad para sa mga mamamayan ng San Mateo.

Ang opisinang ito ang pangunahing responsable sa pagbabalangkas at pagsasagawa ng mga epektibo at mahusay na sistema ng pagbili (supply and procurement), pangangalaga, paggamit, pag-iingat, (maintenance) at iba pang aspeto ng pangangasiwa (property inventory) ng mga kagamitan at ari- arian ng lokal na pamahalaan. Kasama rin ang GSO sa lahat ng mga programa ng bawat opisina at nagbibigay ng administrative support sa bawat proyekto. Lahat ng logistical needs ay sinisiguro ng GSO na naihahatid sa mga nasabing gawain.

Ang GSO din ang nagtitiyak na ang mga sistemang ipinatutupad ay naayon sa pinakamahuhusay na kasanayan, mga tuntunin sa mabuting pamamahala, at mga kaukulang batas at regulasyon. Ito ay nakatuon din sa pagtugon at pagtiyak ng pagkakaloob ng mga nararapat na tulong, suporta, at mataas na kalidad ng pangkalahatang serbisyo sa mga mamamayan upang suportahan ang mahal na punongbayan at ang lokal na pamahalaan na ayon sa polisiya nito.

Ang Pamilihang Bayan ng San Mateo (Public Market of San Mateo)ay isang pampublikong institusyon na may mahalagang papel na ginagampanan sa mamayan ng San Mateo .( prodyuser at konsyumers).Ito ang lugar na sagot sa pang araw-araw na pangangailangan ng pamayanan.

Ang layunin ng Opisina ng Pamilihang Bayan(Market Office) ay tulungan at protektahan ang mamayang mamimili laban sa pang-aabuso hinggil sa presyo ng mga bilihin alinsunod sa Republic Act 7581 o ang tinatawag na Price Control Act ito ang batas ukol sa pagkontrol sa presyo ng mga bilihin, at sa tulong National Price Coordinating Council na siyang nangangasiwa sa pagmonitor at pagbantay sa paggalaw ng presyo ng produkto at maglabas ng Price Ceiling nito.

Isa rin sa layunin nang opisina ang maihatid ang serbisyong lokal ng Pamahalaang Bayan ng San Mateo sa pamamagitan ng pagsasaayos ng istraktura, kalinisan at disiplina sa pamilihan .Ang opisina rin ang nagsisilbing tulay para maipaabot ang mga hinaing ng mamamayan na may kinalaman sa kalakalan sa pamilihan.

Ang opisina rin ang nangangasiwa ng pagsasaayos nang mga bayarin may kinalaman sa renta ng mga pwesto, tubig at at renta sa kuryente.

Ang opisina rin ang nagsisilbing kamay ng lokal na pamahalaan sa pagpapatupad ng mga alituntunin at batas alinsunod Ordinansa Blg.2008-001 na mas kilala sa tawag na Market Code of San Mateo, Rizal at kaisa sa pagpapatupad nito ang Market Committee na kinabibilangan ng market office....

Ang Solid Waste Management Office ang nangangalaga sa kalinisan at kaayusan ng paligid ng ating bayan. Pangunahing tungkulin nito ay paglilinis at pag kokolekta ng mga basura sa mga kabahayan at establisimiyento sa ating nasaskupan.

Katuwang ang ating mga masisipag na street sweeper, palero at iba pang mga kawani ng pamahalaang bayan, sinisikap natin na mabawasan ang pag dami ng basura sa pamamagaitan ng pag rerecycle ng mga bagay na mapapakinabangan pa.

Magaling, Matino, at Masigla. Ang San Mateo Sports Development Office ay may mandatong sumunod sa “sports for all” na programa ng Philippine Sports Commission alinsunod sa Executive Order No. 63, tugunan ang pangangailangan sa larangan ng palakasan at kagalingan ng mga kabataan, may mga kapansanan, mga matatanda, mga atletang San Mateo maging ito man ay sa larangan ng pormal na edukasyon o sa komunidad. Mabigyan ng opportunidad ang mga atletang may nag nanais na maging iskolar sa kolehiyo at maging daan ito sa mas mataas na antas ng pampalakasan para maging iskolar, Maging pangunahing bayan sa lalawigan ng Rizal sa larangan ng palakasan, pasiglahin ang pampalakasang turismo ng ating bayan, magsagawa ng ugat-damong programa ng sports sa kabataan, magbigay ng holistik na mga programang pang-sports at kagalingan, at I-institutionalize ang sports, sa pamamagitan ng maayos na programang pang pampalakasan ay makapag hubog ng mga athletang San Mateo na mag re-represinta sa palakasan sa loob man o labas ng ating bansa.

Sama-sama sa pagsagwan, patungo sa iisang obheto, komunidad na malusog, matino, at masigla!

Ang Local Youth Development Officer ay na-designate alinsunod sa Republic Act No. 10742 o mas kilala sa Sangguniang Kabataan Reform Act of 2015. Ang layunin ng Local Youth Development Officer ay magbigay ng technical assistance sa mga Sangguniang Kabataan ng bayan na ito.

Bukod sa pagbibigay ng gabay, ang LYDO rin ay nagdidisenyo at nag-iimplementa ng mga programang nakaayon sa pangangailangan at kakayanahan ng mga kabataan.

Ang pangunahing layunin ng LYDO ay siguraduhin ng mapalakas ang mga programa para sa mga kabataan at partisipasyon ng mga kabataan sa pagdedesisyon ng pamahalaang bayan