LATEST NEWS

April 29, 2024

ULAT PANAHON | Heat Index Forecast

Posibleng umabot sa 43 degrees Celsius ang heat index o ang ating mararamdamang init ngayong araw, sa pagitan ng mga oras mula alas-12 ng tanghali hanggang alas-3 ng hapon. Hangga't maaari ay iwasang lumabas ng bahay o bawasan ang inyong mga outdoor activities upang maingatan ang inyong mga sarili laban sa matinding init ng panahon.

Ito ang mga emergency hotlines na maaaring tawagan sakaling mangailangan ng tulong:
PNP - (02) 8297-8100 loc. 114; 0998-5985-728
BFP - (02) 8297- 8100 loc. 134; 0963-0203-591
MDRRMO - (02) 8297-8100 loc. 129; 0945-3544-464
DPOS - (02) 8297-8100 loc. 130-131

Maging alerto, bayan ng San Mateo!

#SanMateoRizalLGU
#SanMateoRizalPIO

April 29, 2024

PABATID | DOT Accreditation Orientation at Filipino Brand of Service Excellence Seminar

Ikaw ba ay isang owner o manager ng hotel, resort, restaurant, homestays, at iba pang uri ng Tourism-related Establishments (TREs) dito sa ating bayan? Kung oo, tinatawagan ka namin!

Maging bahagi ng ating 2-day DOT Accreditation Orientation at Filipino Brand of Service Excellence Seminar para sa mga Tourism-related Establishments! Gaganapin ito sa Ciudad Christhia Resort (9 Waves) sa ika-13 hanggang ika-14 ng Mayo 2024 (Lunes hanggang Martes). Narito ang link para sa mga nais magparehistro: https://forms.gle/HiMygXRGJhR6fepT7

Layunin ng ating Pamahalaang Bayan na mapataas pa ang bilang ng mga DOT-accredited na mga TRE sa ating bayan. Sa pagiging akreditado, ating nasisiguro na dekalidad ang ating serbisyo at may kapanatagan ng loob sa atin ang ating mga kliyente. Kaya halina’t maging bahagi at matuto mula sa oryentasyong ito, kababayan!

MAHALAGANG PAALALA:
- Maaaring magparehistro hanggang May 10, 2024
- Limitado lamang sa 65 katao ang maaaring sumali sa orientation na ito
- 1 kinatawan o representative lamang ang maaaring magparehistro kada isang TRE
- LIBRE ang orientation at seminar na ito

Dito sa Bayan ng San Mateo, susulong ang turismo!

#SanMateoRizalLGU
#SanMateoRizalPIO

April 29, 2024

PABATID | Free check-up for pets at Municipal Agriculture Office

Mayroong libreng check-up para sa ating mga alagang aso’t pusa bukas ng Martes, ika-30 ng Abril 2024, sa Municipal Agriculture Office, Nursery Rd., Brgy. Sta. Ana, San Mateo, Rizal, mula alas-8 ng umaga hanggang alas-3 ng hapon. Tumatanggap din dito ng anti-rabies vaccination at nagkakahalaga ito ng P100 kung unang beses pa lamang kayong magpapabakuna.

Sa mga nais pabakunahan ang kanilang mga alagang aso at pusa, narito ang inyong mga dapat tandaan:

Bago mabakunahan
1. Mga alagang hayop na nasa edad 3 buwan pataas lamang ang mga maaaring pabakunahan.
2. Walang sakit at hindi matamlay.
3. Hindi nakakagat sa loob ng 14 araw.
4. Hindi buntis.
5. Paliguan muna ang inyong mga alaga bago magtungo sa bakunahan.

Pagkatapos mabakunahan
1. Huwag paliguan ang inyong mga alaga sa loob ng 5 araw.
2. Huwag silang hayaang mapagod upang hindi sila mabinat.
3. Itago ang pet certificate na syang magsisilbing record para sa taunang pagbabakuna.

Hinihikayat natin ang mga may alagang aso’t pusa na samantalahin ang pagkakataon na ito para masiguro ang kalusugan nila.

#SanMateoRizalLGU
#SanMateoRizalPIO

April 28, 2024

ANUNSIYO PUBLIKO | Implementasyon ng Asynchronous Classes/Distance Learning sa mga paaralan sa San Mateo, Rizal

Bunsod ng pinakahuling heat index forecast ng PAGASA at ng gaganaping malawakang transport strike, paiiralin sa LAHAT ng mga PAMPUBLIKO at PRIBADONG PAARALAN sa ating bayan ang ASYNCHRONOUS CLASSES/DISTANCE LEARNING simula bukas ng Lunes, ika-29 ng Abril, hanggang sa Martes, ika-30 ng Abril 2024.

Manatiling ligtas mula sa banta ng mainit na panahon sa ating kalusugan at tumawag lamang sa mga numerong ito sakaling mangailangan ng tulong:

PNP - (02) 8297-8100 loc. 114; 0998-5985-728
BFP - (02) 8297- 8100 loc. 134; 0963-0203-591
MDRRMO - (02) 8297-8100 loc. 129; 0945-3544-464
DPOS - (02) 8297-8100 loc. 130-131

Maging alerto, bayan ng San Mateo!
#SanMateoRizalLGU
#SanMateoRizalPIO

April 27, 2024

TINGNAN | Pamamahagi ng discount coupon sa mga TODA members ng San Mateo, Rizal

Ginanap ngayong araw ang contract signing para sa Discount Coupon Launching at ang pamamahagi ng discount coupons sa mga kinatawan ng iba’t ibang mga Tricycle Operators and Drivers Associations (TODA) sa ating bayan. Pinangunahan ang aktibidad na ito nina Congressman Jojo Garcia, Mayor Omie Rivera, Land Transportation Office - San Mateo Extension Office Chief Edgar Cabase Jr., 1SS (One-stop Shop) San Mateo, Inc. President Jay Ferdinand Bautista, at GBSTODA President and Federation Chairman Danilo Parco. Narito rin sina Vice Mayor Jaime Romel M. Roxas, Konsi Jojo Juta, Konsi Boy Salen, mga punong barangay, kinatawan ng punongbayan ng Montalban G. Giles Michael Alvarez, Ret. Maj. Ramil San Jose ng Department of Public Order and Safety (DPOS), at mga TODA presidents.

Layunin ng aktibidad na ito na tulungan at bigyang diskwento ang mga TODA sa ating bayan sa mga ilang mga serbisyo ng LTO gaya ng pagpaparehistro ng kanilang mga sasakyan at aplikasyon para sa renewal ng lisensya. Ito rin ay para sa ating pagtitiyak na ang ating mga kababayang mananakay ay ligtas at may kapayapaan ng loob sa kanilang pagsakay sa mga rehistradong tricycle.

Maraming salamat po, Cong. Jojo Garcia sa inyong tulong sa aming bayan! Bayan ng San Mateo, bayang kahusayan at serbisyo ang handog sa iyo!

#SanMateoRizalLGU
#SanMateoRizalPIO

April 26, 2024

TINGNAN | Information Education Communication Campaign hatid ng AWO at MAO

Ginanap nitong Miyerkules, ika-24 ng Abril 2024, sa ating Municipal Stadium ang Information Education Communication (IEC) Campaign na pinangunahan ng ating Animal Welfare Office (AWO) at Municipal Agriculture Office (MAO). Higit sa 1, 200 mga mag-aaral mula sa San Mateo Municipal College ang nagsipagdalo rito upang makibahagi sa makabuluhang diskusyon hatid ng Animal Kingdom Foundation, San Mateo Municipal Health Office (MHO), at San Mateo Local Youth Development Office (LYDO). Narito rin sina Vice Mayor Jimmy Roxas at SMMC President Dr. Reldino R. Aquino.

Ang nagdaang aktibidad ay ang ating pinaigting na kampanya upang mapataas pa ang kamalayan ng ating mga kababayan pagdating sa responsible pet ownership, rabies awareness para ating mga sarili at sa ating mga alagang hayop, at ang mga interbensyong kakailanganin upang mapabuti ang kalagayan ng ating mga fur babies.

Bayan ng San Mateo, bayang serbisyo at kalinga ang handog sa’yo!

#SanMateoRizalLGU
#SanMateoRizalPIO

April 26, 2024

ULAT PANAHON | Heat Index Forecast

Posibleng umabot sa 43 degrees Celsius ang heat index o ang ating mararamdamang init sa pagitan ng mga oras mula alas-12 ng tanghali hanggang alas-3 ng hapon. Hangga't maaari ay iwasang lumabas ng bahay o bawasan ang inyong mga outdoor activities upang maingatan ang inyong mga sarili laban sa matinding init ng panahon.

Ito ang mga emergency hotlines na maaaring tawagan sakaling mangailangan ng tulong:
PNP - (02) 8297-8100 loc. 114; 0998-5985-728
BFP - (02) 8297- 8100 loc. 134; 0963-0203-591
MDRRMO - (02) 8297-8100 loc. 129; 0945-3544-464
DPOS - (02) 8297-8100 loc. 130-131

Maging alerto, bayan ng San Mateo!

#SanMateoRizalLGU
#SanMateoRizalPIO

April 26, 2024

TINGNAN | Streamlined Migration Symposium hatid ng PESO

Pinangunahan ng ating Public Employment Service Office (PESO) ang “Streamlined Migration Symposium (SMS): “Kabataan! Mag aabroad ka, Sure Ka Na Ba?” nitong Lunes, ika-22 ng Abril 2024, sa ating municipal stadium. Higit 600 mga mag-aaral sa San Mateo Municipal College ang dumalo rito upang magkaroon ng karagdagang kaalaman at gabay pagdating sa pagpili ng karera o pagtanggap ng mga oportunidad na makapagtrabaho sa ibang bansa.

Dumalo rin dito sina Mayor Omie Rivera, Konsi Jojo Juta, Bb. Jennifer Jumbas at Bb. Rachel Molino mula sa Overseas Workers Welfare Administration (OWWA), at mga kinatawan mula sa Global Filipino Movement (GFM) at San Mateo OFW Federation. Nawa’y naging mabunga para sa lahat ng ating mga kabataang mag-aaral ang ating nagdaang aktibidad. Maraming salamat din sa ating mga naging katuwang upang maisakatuparan ang migration symposium na ito.

Dito sa San Mateo, sinisikap nating maihanda ang mga kabataan para sa kanilang kinabukasan!

#SanMateoRizalLGU
#SanMateoRizalPIO

April 25, 2024

ANUNSIYO PUBLIKO | Modular Distance Learning sa mga paaralan sa San Mateo, Rizal

Bunsod ng matinding init ng panahon na ating nararanasan, SUSPENDIDO na bukas, ika-26 ng Abril 2024, ang FACE-TO-FACE CLASSES sa LAHAT NG ANTAS sa mga PAMPUBLIKO AT PRIBADONG PAARALAN sa ating bayan. Pansamantala munang iiral ang Modular Distance Learning bukas.

Manatiling ligtas mula sa banta ng mainit na panahon sa ating kalusugan at tumawag lamang sa mga numerong ito sakaling mangailangan ng tulong:
PNP - (02) 8297-8100 loc. 114; 0998-5985-728
BFP - (02) 8297- 8100 loc. 134; 0963-0203-591
MDRRMO - (02) 8297-8100 loc. 129; 0945-3544-464
DPOS - (02) 8297-8100 loc. 130-131

Maging alerto, bayan ng San Mateo!

#SanMateoRizalLGU
#SanMateoRizalPIO

April 25, 2024

TINGNAN | Orientation and Workshop on Public Health Surveillance ng MHO

Nagsimula ngayong araw ang 4-day Orientation and Workshop on Public Health Surveillance para sa mga public health workers ng ating bayan. Dinaluhan ito ng mga doktor, nurse, midwife, at vaccinator mula sa iba’t ibang rural health units (RHUs) ng ating bayan.

Dito’y tinalakay ang kahalagahan ng pagkakaroon ng mas malawak na kaalaman at pinaigting na kahandaan ng ating mga health workers upang maging mabisa at maagap ang kanilang pagsubaybay sa mga karamdamang maaaring lumaganap sa ating bayan. Daan ito upang agad nating maagapan ang pagkalat ng anumang karamdaman na maaari ring maging banta sa pampublikong kalusugan.

Maraming salamat sa ating mga resource speaker mula sa DOH Center for Health Development - Regional Epidemiology and Surveillance Units na sina Bb. Ms. Richel O. Garcia, RN, Bb. Desiree Mae V. Samson, RN, G. Earl Archim Bautista, RN, at Bb. Ruth Picones, RN!

Bayan ng San Mateo, katuwang mo sa kalusugan mo!

#SanMateoRizalLGU
#SanMateoRizalPIO

April 25, 2024

TINGNAN | “Ayos ka Lungs?” Libreng Chest X-ray hatid sa Brgy. Ampid I

Isinagawa ngayong araw sa Brgy. Ampid I Covered Court ang “Ayos ka Lungs?” Libreng Chest X-ray sa pangunguna ng ating San Mateo Municipal Health Office (MHO). Higit sa 130 katao ang nagpunta rito upang makapagpasuri nang libre at malaman kung sila ay positibo sa sakit na tuberculosis (TB). Mayroon din ditong inihahandog na libreng HIV screening.

Sakali mang magpositibo sa naturang karamdaman matapos lumabas ang inisyal na resulta ng chest X-ray, libreng serye ng mga pagpapasuri at gamutan pa rin ang ating maihahandog sa ating mga kababayan ayon sa MHO. Nakatuwang natin sa programang ito ang RCG Premier Foundation Inc., isang nonprofit organization na nakatuon sa pagbibigay ng dekalidad na serbisyong medikal sa mga komunidad sa iba’t ibang mga bayan sa ating bansa sa pamamagitan ng kanilang Mobile Health Clinic. Maraming salamat sa inyong hatid na tulong sa aming bayan!

Bayan ng San Mateo, katuwang mo sa kalusugan mo!

#SanMateoRizalLGU
#SanMateoRizalPIO

April 25, 2024

ULAT PANAHON | Heat Index Forecast

Inaasahang aabot hanggang sa 42 degrees Celsius ang maximum heat index sa ating bayan ngayong araw. Inaabisuhan ang lahat na mag-ingat sapagkat sa ilalim ng ganito kainit na temperatura ay maaari tayong makaranas ng heat cramps at matinding kapaguran o pagkahapo.

Ito ang mga emergency hotlines na maaaring tawagan sakaling mangailangan ng tulong:
PNP - (02) 8297-8100 loc. 114; 0998-5985-728
BFP - (02) 8297- 8100 loc. 134; 0963-0203-591
MDRRMO - (02) 8297-8100 loc. 129; 0945-3544-464
DPOS - (02) 8297-8100 loc. 130-131

Maging alerto, bayan ng San Mateo!

#SanMateoRizalLGU
#SanMateoRizalPIO

April 24, 2024

ANUNSIYO PUBLIKO | Trabaho para sa mga taga-San Mateo!

Sa pakikipagtulungan ng ating Public Employment Service Office (PESO) ay magsasagawa ang ating Pamahalaang Bayan ng Local Recruitment Activity (LRA) para sa Earthsmart Human Resource Philippines, Inc. Gaganapin ito sa lobby sa unang palapag ng ating munisipyo sa ika-30 ng Abril 2024, mula alas-9 ng umaga hanggang alas-2 ng hapon.

Para sa mga interesadong aplikante, magtungo po muna kayo sa tanggapan ng PESO, 1st flr. ng ating munisipyo, sa nakatakdang petsa at oras dala ang inyong updated resume at sariling ballpen. Maghanda rin para sa on-the-spot interview at hiring mula sa mga HR representative ng Earthsmart Human Resource Philippines, Inc.

Abot-kamay mo na ang trabaho kababayan kaya apply na!

#SanMateoRizalLGU
#SanMateoRizalPIO
Publication material courtesy of Earthsmart Human Resource Philippines, Inc

April 24, 2024

TINGNAN | 1-day Softball League sa Brgy. Guinayang

Nagkaroon ng 1-day league para sa larong softball nitong nakaraang Linggo, ika-21 ng Abril 2024, sa isang open field sa Brgy. Guinayang. Nilahukan ito ng mga manlalaro mula sa ating bayan ng San Mateo, bayan ng Montalban, Angono, at lungsod ng Marikina. Dumalo at nakisaksi rito sina Mayor Omie Rivera, Vice Mayor Jaime Romel M. Roxas, Bokal JP Bautista, Konsi Jojo Mariano, Kap. Arwin Del Rosario, at mga kagawad ng Brgy. Guinayang. Sa pagtatapos naman ng laro ay itinanghal na kampyon ang Compadres na mula sa Marikina.

Ang 1-day softball league na ito ay inorganisa ni Konsi Jojo Mariano bilang pag-alala sa yumaong dating Board Member ng Pamahalaang Panlalawigan ng Rizal na si Atty. Rolando “Atto” Rivera—ating kababayan mula sa San Mateo, Rizal na nagsilbi rin bilang Executive Vice President ng Amateur Softball Association of the Philippines (ASAPHIL).

Nawa’y manatiling buhay ang larong softball sa ating bayan at sa ating bansa. Patuloy sana itong tangkilikin ng ating mga kababayan at dumami pa ang nais na matuto at maglaro nito.

Dito sa San Mateo, isinusulong natin ang pagiging aktibo ng ating mga kababayan sa larangan ng palakasan!

#SanMateoRizalLGU
#SanMateoRizalPIO

April 24, 2024

TINGNAN | Youth Assembly and Consultation 2024 hatid ng LYDO

Mayroong libreng check-up para sa ating mga alagang aso’t pusa bukas ng Huwebes, ika-25 ng Abril 2024, sa Municipal Agriculture Office, Nursery Rd., Brgy. Sta. Ana, San Mateo, Rizal, mula alas-8 ng umaga hanggang alas-3 ng hapon. Tumatanggap din dito ng anti-rabies vaccination at nagkakahalaga ito ng P100 kung unang beses pa lamang kayong magpapabakuna. Sa mga nais pabakunahan ang kanilang mga alagang aso at pusa, narito ang inyong mga dapat tandaan:

Bago mabakunahan
1. Mga alagang hayop na nasa edad 3 buwan pataas lamang ang mga maaaring pabakunahan.
2. Walang sakit at hindi matamlay.
3. Hindi nakakagat sa loob ng 14 araw.
4. Hindi buntis.
5. Paliguan muna ang inyong mga alaga bago magtungo sa bakunahan.

Pagkatapos mabakunahan
1. Huwag paliguan ang inyong mga alaga sa loob ng 5 araw.
2. Huwag silang hayaang mapagod upang hindi sila mabinat.
3. Itago ang pet certificate na syang magsisilbing record para sa taunang pagbabakuna.

Hinihikayat natin ang mga may alagang aso’t pusa na samantalahin ang pagkakataon na ito para masiguro ang kalusugan nila.

#SanMateoRizalLGU
#SanMateoRizalPIO

April 23, 2024

TINGNAN | Youth Assembly and Consultation 2024 hatid ng LYDO

Masigla ang naging mga tagpo sa nagdaang “Sama-samang Pagtataguyod ng Kabataang Sektor: Youth Assembly and Consultation” na pinangunahan ng ating Local Youth Development Office (LYDO). Ginanap ito noong Linggo, ika-21 ng Abril 2024, at dinaluhan ng higit sa 250 mga kabataan.

Aktibong nakibahagi ang bawat isa sa iba’t ibang mga inihandang aktibidad. Nagsimula ito sa konsultasyon sa mga kabataan kung saan kanilang ipinarating ang mga suliraning kanilang nararanasan at kinakaharap gaya ng kahirapan, pagkakaroon ng ligtas na espasyo para sa mga kababaihan, at karagdagang mga programa para sa Youth not in employment, education or training (NEET). Nagkaroon din dito ng learning session ukol sa paksang ‘professional purpose’ sa pangunguna ni G. Hector Villegas, isang life coach at learning facilitator.

Nagpaabot ng mga makabuluhang mensahe para sa kabataan sina Mayor Omie Rivera, Vice Mayor Jaime Romel M. Roxas, Bokal JP Bautista, Provincial Youth Development Officer Atty. Angelica Bernardo, at Sangguniang Kabataan (SK) Pederasyon President Kyla Ray P. Escobar. Ayon din kay Atty. Bernardo, ang pagtitipong ito ng mga kabataan sa ating bayan ang pinakalamalaking pagtitipon na kaniyang napuntahan sa buong lalawigan ng Rizal kaya’t ating binabati at pinasasalamatan ang lahat ng mga kabataang nakibahagi rito bilang mga kalahok at organisador!

Sa bayan ng San Mateo, may boses ang kabataan dito!

#SanMateoRizalLGU
#SanMateoRizalLYDO
#SanMateoRizalPIO

April 23, 2024

PABATID | “Ayos ka Lungs?” Libreng chest X-ray hatid ng MHO

Sa pangunguna ng ating Municipal Health Office (MHO) ay magkakaroon ng LIBRENG chest X-ray para sa ating mga kababayang nasa edad 15 taong gulang pataas sa darating na Huwebes, ika-25 ng Abril 2024, sa Brgy. Ampid I Covered Court. Magsisimula ito sa ganap na alas-8 ng umaga at magtatapos naman sa alas-3 ng hapon.

MAHALAGANG PAALALA: Limitado lamang ang ating mahahandugan ng libreng serbisyong ito. Para lamang ito sa UNANG 150 katao. Halina at magpasuri para sa malusog na baga!

b Bayan ng San Mateo, katuwang mo sa kalusugan mo!

#SanMateoRizalLGU
#SanMateoRizalPIO

April 23, 2024

TINGNAN | Flag raising ceremony sa pangunguna ng Capilpil at SWMO

Ginanap ngayong araw ng Lunes ang regular na pagtataas ng bandila ng Pilipinas sa ating munisipyo sa pangunguna ng Capilpil Cemetery at ng ating Solid Waste Management Office (SWMO). Kanilang iniulat ang naging pagpupunyagi ng kanilang mga tanggapan noong nagdaang mga buwan.

Patuloy ang pagsusumikap ng pamunuan ng ating pampublikong sementeryo upang maayos na mapangasiwaan ang pangkabuuang proseso rito at upang mapagbuti pa ang kalagayan ng sementeryo. Gayundin ang ating SWMO na paiigtingin pa ang kanilang pakikipag-ugnayan sa bawat barangay upang masiguro ang pagpapanatili ng kalinisan sa kani-kanilang mga lugar.

Muli, isang mainit na pagbati para sa ating lahat! Nawa’y naging makabuluhan at produktibo ang ating pagsisimula ng bagong linggong ito!

#SanMateoRizalLGU
#SanMateoRizalPIO

April 22, 2024

TINGNAN | Digital Business Basic Training hatid ng MSWDO

Nagtapos na ang 8 araw na Digital Business Basic Training na hatid ng MSWDO at ng ATRIEV Computer Training Center for the Visually Impaired sa ating mga kababayang Visually Impaired Persons (VIPs) nitong ika-19 ng Abril 2024. Ang Digital Business Basic Training ay serye ng mga pagsasanay na nagbibigay kaalaman at nagpapalalim ng kakayahan ng mga VIPs pagdating sa online business.

Bilang parte ng kulminasyon ng naturang aktibidad, nagpa-raffle ang PLDT Smart ng 3 pocket wifi at 1 brand new smartphone para sa mga nakatapos. Makapagbibigay suporta ang mga kagamitang ito sa kanilang nais na itayong online business. Nagbahagi rin ng mensahe ng pasasalamat sina Mayor Omie Rivera at Vice Mayor Jimmy Roxas sa oportunidad na naibahagi ng ATRIEV sa ating mga kababayang PWDs na nagnanais umunlad sa pagnenegosyo.

Maraming salamat ATRIEV, PLDT Smart, at sa lahat ng mga nakibahagi sa ating Digital Business Basic Training! Sa Bayan ng San Mateo, mayroong kasanayan at kahusayang maihahandog sa’yo!

#SanMateoRizalLGU
#SanMateoRizalPIO

April 22, 2024

PAGDIRIWANG | Earth Day 2024

Nakikiisa ang ating Pamahalaang Bayan sa pandaigdigang selebrasyon ng Earth Day ngayong araw. Sa tema nito ngayong taon na “Planet vs. Plastics”, tayo’y maging malay sa peligrong dala ng mga single-use plastics sa kalusugan ng tao at ng mundo. Makibahagi rin tayo sa pandaigdigang panawagan na wakasan ang paggamit ng plastic upang maibsan ang polusyon sa ating kalikasan.

Sama-sama at tulong-tulong tayo tungo sa isang masigla at luntiang pamayanan at bayan!

#SanMateoRizalLGU
#SanMateoRizalPIO

April 22, 2024

PABATID | Free check-up for pets at Municipal Agriculture Office

Mayroong libreng check-up para sa ating mga alagang aso’t pusa bukas ng Martes, ika-23 ng Abril 2024, sa Municipal Agriculture Office, Nursery Rd., Brgy. Sta. Ana, San Mateo, Rizal, mula alas-8 ng umaga hanggang alas-3 ng hapon. Tumatanggap din dito ng anti-rabies vaccination at nagkakahalaga ito ng P100 kung unang beses pa lamang kayong magpapabakuna.

Sa mga nais pabakunahan ang kanilang mga alagang aso at pusa, narito ang inyong mga dapat tandaan:

Bago mabakunahan
1. Mga alagang hayop na nasa edad 3 buwan pataas lamang ang mga maaaring pabakunahan.
2. Walang sakit at hindi matamlay.
3. Hindi nakakagat sa loob ng 14 araw.
4. Hindi buntis.
5. Paliguan muna ang inyong mga alaga bago magtungo sa bakunahan.

Pagkatapos mabakunahan
1. Huwag paliguan ang inyong mga alaga sa loob ng 5 araw.
2. Huwag silang hayaang mapagod upang hindi sila mabinat.
3. Itago ang pet certificate na syang magsisilbing record para sa taunang pagbabakuna.

Hinihikayat natin ang mga may alagang aso’t pusa na samantalahin ang pagkakataon na ito para masiguro ang kalusugan nila.

#SanMateoRizalLGU
#SanMateoRizalPIO

April 21, 2024

Happy birthday, Vice Mayor Jimmy Roxas!

Isang mapagpalang kaarawan para sa inyo, Hon. Jaime Romel M. Roxas! Maraming salamat sa mabungang pag-uugnayan ng Sangguniang Bayan sa ehekutibong sangay ng ating Pamahalaang Bayan na nagbubunsod ng ibayong pagseserbisyo sa ating mga kababayan.

Pagbati mula sa Pamahalaang Bayan ng San Mateo, Rizal!

#SanMateoRizalLGU
#SanMateoRizalPIO

April 20, 2024

ALAMIN NATIN | Iwas-sunog tips ngayong summer hatid ng BFP

Ngayong panahon ng tag-init at sunod-sunod na mga outing, manatiling ligtas sa panganib na dala ng sunog sa pamamagitan ng pagsunod sa mga fire safety tips na ito:

- Huwag pabayan ang inyong mga ihawan
- Maging maingat at bantayang maigi ang inyong siga o campfire
- Linisin/alisin ang mga tuyong damo at halaman sa paligid ng inyong bahay br - Tiyaking mayroong plano sakaling magkaroon ng emergency

Sakaling mangailangan ng tulong, narito ang mga numerong maaaring tawagan:
PNP - (02) 8297-8100 loc. 114; 0998-5985-728
BFP - (02) 8297- 8100 loc. 134; 0963-0203-591
MDRRMO - (02) 8297-8100 loc. 129; 0945-3544-464
DPOS - (02) 8297-8100 loc. 130-131

Mas masaya ang ating bakasyon at pagtitipon-tipon kung tayo ay ligtas sa sunog, kababayan! Alerto tayo dito sa San Mateo!

#SanMateoRizalLGU
#SanMateoRizalPIO

April 19, 2024

TINGNAN | Pamamahagi ng tulong pinansyal sa ilalim ng programang Assistance to Individuals in Crisis Situation (AICS)

Ginanap kaninang umaga ang pamamahagi ng mga prepacked na bigas sa ating mga kababayang senior citizens, Persons With Disability (PWD), at solo parents sa Brgy. Pintong Bukawe. Ang aktibidad na ito ay pinangunahan at pinangasiwaan ng ating Pamahalaang Bayan, sa pakikipagtulungan ng Pamahalaang Panlalawigan ng Rizal, WawaJVCo Inc., at Prime Infrastructure Foundation, Inc.

Maraming salamat sa lahat ng mga nakibahagi sa aktibidad na ito! Sa Bayan ng San Mateo, mayroong serbisyo at kalingang maihahandog sa iyo!

#SanMateoRizalLGU
#SanMateoRizalPIO

April 19, 2024

TINGNAN | Pamamahagi ng tulong pinansyal sa ilalim ng programang Assistance to Individuals in Crisis Situation (AICS)

Handog ng tanggapan ni Sen. Pia Cayetano at ng Department of Social Welfare and Development (DSWD) ang tulong pinansiyal sa ilalim ng Assistance to Individuals in Crisis Situation (AICS) para sa ating mga kababayan, partikular na sa mga kababaihan. Ito ay sa pakikipag-ugnayan ng ating Pamahalaang Bayan, sa pamamagitan ng ating Special Concerns Unit na pinangungunahan ni G. Roy Monsalud. Ginanap ito ngayong araw sa Brgy. Ampid II kung saan halos 200 mga benepisyaryo ang tumanggap ng financial assistance.

Maraming salamat sa inyong suporta at mga kaloob sa ating mga kababayan, Sen. Pia Cayetano at DSWD!

#SanMateoRizalLGU
#SanMateoRizalPIO

April 19, 2024

TINGNAN | Pamamahagi ng tulong pinansyal sa ilalim ng programang Assistance to Individuals in Crisis Situation (AICS)

Handog ng tanggapan ni Sen. Pia Cayetano at ng Department of Social Welfare and Development (DSWD) ang tulong pinansiyal sa ilalim ng Assistance to Individuals in Crisis Situation (AICS) para sa ating mga kababayan, partikular na sa mga kababaihan. Ito ay sa pakikipag-ugnayan ng ating Pamahalaang Bayan, sa pamamagitan ng ating Special Concerns Unit na pinangungunahan ni G. Roy Monsalud. Ginanap ito ngayong araw sa Brgy. Ampid II kung saan halos 200 mga benepisyaryo ang tumanggap ng financial assistance.

Maraming salamat sa inyong suporta at mga kaloob sa ating mga kababayan, Sen. Pia Cayetano at DSWD!

#SanMateoRizalLGU
#SanMateoRizalPIO

April 17, 2024

ANUNSIYO PUBLIKO | Trabaho para sa mga taga-San Mateo!

Sa pakikipagtulungan ng ating Public Employment Service Office (PESO) ay magsasagawa ang ating Pamahalaang Bayan ng Local Recruitment Activity (LRA) para sa SM Appliance Center. Gaganapin ito sa lobby sa unang palapag ng ating munisipyo ngayong Biyernes, ika-19 ng Abril 2024, mula alas-9 ng umaga hanggang alas-2 ng hapon.

Ang SM Appliance Center ay nangangailangan ng mga sumusunod:
- Inventory Assistant
- Customer Service Assistant
- Warehouse Assistant
- Sales Dispatching Assistant
- Visual Display Assistant
- Sales Assistants
- Counter Assistants
- Cashiers
- Sales Clerks
- Stock Clerks

Para sa mga interesadong aplikante, magtungo po muna kayo sa tanggapan ng PESO, 1st flr. ng ating munisipyo, sa nakatakdang petsa at oras, dala ang inyong updated resume at sariling ballpen. Maghanda rin para sa on-the-spot interview at hiring mula sa mga HR representative ng SM Appliance Center.

Abot-kamay mo na ang trabaho kababayan kaya apply na!

#SanMateoRizalLGU
#SanMateoRizalPIO

Publicity material courtesy of SM Appliance Center

April 17, 2024

PABATID | Free check-up for pets at Municipal Agriculture Office

Mayroong libreng check-up para sa ating mga alagang aso’t pusa bukas ng Huwebes, ika-18 ng Abril 2024, sa Municipal Agriculture Office, Nursery Rd., Brgy. Sta. Ana, San Mateo, Rizal, mula alas-8 ng umaga hanggang alas-3 ng hapon. Tumatanggap din dito ng anti-rabies vaccination at nagkakahalaga ito ng P100 kung unang beses pa lamang kayong magpapabakuna.

Sa mga nais pabakunahan ang kanilang mga alagang aso at pusa, narito ang inyong mga dapat tandaan:

Bago mabakunahan
1. Mga alagang hayop na nasa edad 3 buwan pataas lamang ang mga maaaring pabakunahan.
2. Walang sakit at hindi matamlay.
3. Hindi nakakagat sa loob ng 14 araw.
4. Hindi buntis.
5. Paliguan muna ang inyong mga alaga bago magtungo sa bakunahan.

Pagkatapos mabakunahan
1. Huwag paliguan ang inyong mga alaga sa loob ng 5 araw.
2. Huwag silang hayaang mapagod upang hindi sila mabinat.
3. Itago ang pet certificate na syang magsisilbing record para sa taunang pagbabakuna.

Hinihikayat natin ang mga may alagang aso’t pusa na samantalahin ang pagkakataon na ito para masiguro ang kalusugan nila.

#SanMateoRizalLGU
#SanMateoRizalPIO

April 16, 2024

TINGNAN | Usufruct Agreement Signing sa pagitan ng San Mateo LGU at BJMP

Nagtipon ngayong hapon para sa Usufruct Agreement Signing ang pamunuan ng ating Pamahalaang Bayan sa pangunguna nina Mayor Omie Rivera at Vice Mayor Jimmy Roxas kasama ang pamunuan ng Bureau of Jail Management and Penology (BJMP) sa pangunguna nina Regional Director JCSUPT. Hilbert Flor, MPSA, BJMP San Mateo - Male Dorm Jail Warden Atty. Alex Vega, at BJMP San Mateo - Female Dorm Jail Warden JINSP. Marjorie Azcune.

Ang paglagda sa naturang kasunduan ay isang hakbang patungo sa pagkamit ng ating Pamahalaang Bayan at ng BJMP San Mateo sa pangarap nitong makapagpatayo ng disente at mas maayos na piitan para sa mga Persons Deprived of Liberty (PDL) sa ating bayan.

Bayan ng San Mateo, bayang serbisyo ang handog sa iyo!

#SanMateoRizalLGU
#SanMateoRizalPIO

April 16, 2024

ALAMIN NATIN | Batang bakunado, protektado!

Tiyakin ang proteksyon at panlaban ni baby kontra sa mga virus na maaaring magdulot ng anumang sakit o karamdaman. Bumisita at makipag-ugnayan lamang sa pinakamalapit na health center sa inyong barangay o sa ating Super Health Center sa Brgy. Guitnang Bayan I upang kumpletuhin ang mga bakuna sa unang taon ni baby. Limang (5) bisita lamang ang kinakailangan ng iyong anak mula sa siya’y maging 1 and a half months old hanggang sa siya ay maging 12 months old!

Bayan ng San Mateo, katuwang mo sa kalusugan mo!

#SanMateoRizalLGU
#SanMateoRizalPIO

April 15, 2024

TINGNAN | Flag raising ceremony sa pangunguna ng General Services Office at Motorpool

Ginanap ngayong araw ng Lunes ang regular na pagtataas ng bandila ng Pilipinas sa ating munisipyo sa pangunguna ng ating General Services Office (GSO) at Motorpool Unit. Kanilang iniulat ang naging pagpupunyagi ng kanilang tanggapan noong nagdaang mga buwan. Tiniyak nila na nakatuon ang kanilang pagseserbisyo sa pagbibigay ng ganap at naaayong suporta sa bawat opisina o tanggapan ng ating Pamahalaang Bayan.

Matapos ang mga pag-uulat ay nagkaroon naman ng pagkilala sa nagwaging mga kabataang atleta ng ating bayan sa nagdaang Batang Pilipino Basketball League 18 Under at National Youth Basketball League 19 Under Division. Maligayang pagbati sa ating Team San Mateo Hoopers at nawa’y naging makabuluhan at produktibo para sa lahat ang naging pagsisimula ng bagong linggong ito!

#SanMateoRizalLGU
#SanMateoRizalPIO

April 15, 2024

TINGNAN | Student Employment Assistance Program

Pinangunahan ng ating Public Employment Service Office (PESO) ang pagsasagawa ng interview para sa higit 100 mga benepisyaryo ng Student Employment Assistance Program (SEAP) ngayong araw sa ating municipal stadium.

Pagkatapos nito ay magkakaroon ng orientation para sa mga matatanggap na aplikante at sa buwan ng Hunyo naman sila nakatakdang magsimula sa kanilang temporary employment sa munisipyo o sa barangay. Handog ng SEAP sa ating mga kabataang mag-aaral at sa mga out-of-school youth (OSY) ang oportunidad na magkaroon ng panandaliang trabaho upang makatulong sa pantustos sa kanilang mga pangangailangan.

Bayan ng San Mateo, bayang serbisyo at oportunidad ang handog sa’yo!

#SanMateoRizalLGU
#SanMateoRizalPIO

April 15, 2024

BALITANG BAYAN | Sunog sa Brgy. Silangan

Bandang alas-10 ng umaga ngayong araw nang may itinawag na isang fire incident sa New Villa Anita sa Brgy. Silangan. Ayon sa mga nakasaksi, mayroon pang batang naiwan sa loob ng natutupok na bahay na kaagad namang nasaklolohan ng isang residente sa lugar.

Dagliang rumesponde sa lugar ang ating Municipal Disaster Risk Reduction and Management Office (MDRRMO), BFP R4A San Mateo Fire Station , BDRRMO Silangan at Guitnang Bayan I, at DPOS. Sa ilang minuto lamang ay idineklara na rin itong fire out ng BFP at wala ring naitalang casualty. Bagaman hindi pa natutukoy ang pinagmulan ng sunog, faulty wiring ang hinihinalang sanhi ng mga residente rito.

Samantala, nasa kustodiya na ngayon ng Barangay Silangan ang apat na indibidwal na naninirahan sa nasunog na bahay. Nakapagpaabot na rin sa kanila ang ating Municipal Social Welfare and Development Office (MSWDO) ng ilang mga kagamitan bilang paunang tulong gaya ng kumot, kulambo, sleeping mats, at food packs. Isinasagawa na rin ang assessment upang mailapit ang pamilya sa pagkuha ng financial assistance.

Manatiling alerto, mga kababayan!

#SanMateoRizalLGU
#SanMateoRizalPIO

April 15, 2024

PAGDIRIWANG | Solo Parents’ Week

Nakikiisa ang ating Pamahalaang Bayan sa pambansang pagdiriwang ng Solo Parents’ Week alinsunod sa Republic Act No. 11861 o ang Expanded Solo Parents Welfare Act. Ating kinikilala at hinahangaan ang natatanging tibay at tatag na ipinapamalas ng ating mga kababayang solo parents sa pagsuporta at pagtataguyod sa kanilang mga anak.

#SanMateoRizalLGU
#SanMateoRizalPIO

April 15, 2024

PABATID | Free check-up for pets at Municipal Agriculture Office

Mayroong libreng check-up para sa ating mga alagang aso’t pusa bukas ng Martes, ika-16 ng Abril 2024, sa Municipal Agriculture Office, Nursery Rd., Brgy. Sta. Ana, San Mateo, Rizal, mula alas-8 ng umaga hanggang alas-3 ng hapon. Tumatanggap din dito ng anti-rabies vaccination at nagkakahalaga ito ng P100 kung unang beses pa lamang kayong magpapabakuna.

Sa mga nais pabakunahan ang kanilang mga alagang aso at pusa, narito ang inyong mga dapat tandaan:

Bago mabakunahan
1. Mga alagang hayop na nasa edad 3 buwan pataas lamang ang mga maaaring pabakunahan.
2. Walang sakit at hindi matamlay.
3. Hindi nakakagat sa loob ng 14 araw.
4. Hindi buntis. br 5. Paliguan muna ang inyong mga alaga bago magtungo sa bakunahan.

Pagkatapos mabakunahan
1. Huwag paliguan ang inyong mga alaga sa loob ng 5 araw.
2. Huwag silang hayaang mapagod upang hindi sila mabinat.
3. Itago ang pet certificate na syang magsisilbing record para sa taunang pagbabakuna.

Hinihikayat natin ang mga may alagang aso’t pusa na samantalahin ang pagkakataon na ito para masiguro ang kalusugan nila.

#SanMateoRizalLGU
#SanMateoRizalPIO

April 13, 2024

TINGNAN | Hydrotherapy para sa mga kabataang may autismo handog ng MSWDO

Pinangunahan ng Municipal Social Welfare and Development Office (MSWDO), katuwang ang Autism Society Philippines - San Mateo Chapter (ASC-SMC) ang isang hydrotherapy session sa The Holiday Bliss Resort sa Brgy. Gulod Malaya ngayong araw. Nilahukan ito ng higit sa 90 mga kabataang may autismo sa ating bayan.

Sa patnubay ni Bb. Rita Aquino, isang Disability and Development Specialist at Community-based Inclusive Development (CBID) Consultant, masiglang nakibahagi sa bawat aktibidad ang mga bata kasama ang kanilang mga magulang. Matapos ang hydrotherapy session, sumailalim naman sa counseling ang mga magulang at sila’y nabahagian ng ibayong gabay sa pag-intindi at pangangalaga sa pangkabuuang kalusugan ng kanilang mga anak.

Bayan ng San Mateo, bayang serbisyo at kalinga ang handog sa’yo!

#SanMateoRizalLGU
#SanMateoRizalPIO

April 12, 2024

TINGNAN | Free pet vaccination and consultation sa Brgy. Banaba

Isinagawa ngayong araw sa Sta. Maria Subd., Phase 5 Covered Court, Brgy. Banaba ang libreng konsultasyon at bakunahan kontra rabies para sa ating mga alagang aso’t pusa. Simula alas-8 ng umaga hanggang alas-12 tanghali ay umabot sa halos 300 mga fur babies ang nakatanggap dito ng anti-rabies vaccine at health checkup ayon sa tala ng Municipal Agriculture Office (MAO) na siyang nanguna sa aktibidad na ito.

Patuloy lamang ang ating Pamahalaang Bayan sa paglulunsad ng mga kapaki-pakinabang na mga programa para sa ating mga kababayan. Dito sa San Mateo, alaga ang iyong alaga!

#SanMateoRizalLGU
#SanMateoRizalPIO

April 12, 2024

TINGNAN | Digital Business Basic Training hatid ng MSWDO

Nagsimula nitong Miyerkules, ika-10 ng Abril 2024, ang 8 araw na Digital Business Basic Training na hatid ng Municipal Social Welfare and Development Office (MSWDO). Katuwang nila rito ang ATRIEV, isang nonprofit organization na nakatuon sa pagbibigay kaalaman at pagpapataas ng kasanayan ng mga taong may kapansanan, partikular na ang mga Visually Impaired Persons (VIPs).

Nakapaloob sa 8 araw na basic training ng ating mga kababayang Persons with Disabilities (PWDs) ang iba’t ibang uri ng mga pagsasanay na pangungunahan ng mga tagapagsanay mula sa ATRIEV. Nilalayon ng aktibidad na ito na magkaroon sila ng sapat na kaalaman at kahandaan sa pagpasok sa online business. Karagdagang oportunidad ito na maaaring magbunsod ng kanilang kaunlarang pangkabuhayan.

Dito sa San Mateo, mayroong kasanayan at kahusayang maihahandog sa’yo!

#SanMateoRizalLGU
#SanMateoRizalPIO

April 11, 2024

PAGDIRIWANG | National Pet Day

Ngayong pambansang araw ng ating mga alagang aso’t pusa, ating alalahanin ang kahalagahan ng ating gampanin bilang kanilang mga pet owners. Hindi lamang tayo nagsisilbing kanilang tagapangalaga kundi pati na rin kaibigan at kapamilya. Tayo’y maging mga responsableng fur parents sa ating mga fur babies!

Happy National Pet Day!

#NationalPetDay2024
#SanMateoRizalLGU
#SanMateoRizalPIO

April 11, 2024

ANUNSIYO TRAPIKO | Postponed road asphalting works ng DPWH

Ayon sa Department of Public Works and Highways (DPWH), postponed o ipagpapaliban muna ang pagsasagawa ng nakatakdang pag-aspalto sa bahagi ng Gen. Luna Ave. ngayong araw. Sa ika-15 ng Abril 2024, araw ng Lunes, na nila ito sisimulan.

Salamat sa inyong pag-unawa.

#SanMateoRizalLGU
#SanMateoRizalPIO

April 11, 2024

PABATID | Free anti-rabies vaccination and check-up for pets

Magkakaroon ng libreng anti-rabies vaccination at libreng check-up bukas ng Biyernes, ika-12 ng Abril 2024, mula alas-8 ng umaga hanggang alas-12 ng tanghali, sa Sta. Maria Subdivision, Phase 5 Covered Court, Brgy. Banaba.

Sa mga nais pabakunahan ang kanilang mga alagang aso at pusa, narito ang inyong mga dapat tandaan bago at pagkatapos pabakunahan ang inyong mga fur babies:

Bago magpabakuna:
1. Mga alagang hayop na nasa edad 3 buwan pataas lamang ang mga maaaring pabakunahan.
2. Walang sakit at hindi matamlay.
3. Hindi nakakagat sa loob ng 14 araw.
4. Hindi buntis.
5. Paliguan muna ang inyong mga alaga bago magtungo sa bakunahan.

Pagkatapos mabakunahan
1. Huwag paliguan ang inyong mga alaga sa loob ng 5 araw.
2. Huwag silang hayaang mapagod upang hindi sila mabinat.
3. Itago ang pet certificate na siyang magsisilbing record para sa taunang pagbabakuna.

Hinihikayat natin ang mga may alagang aso’t pusa na samantalahin ang pagkakataon na ito para masiguro ang kalusugan nila.

#SanMateoRizalLGU
#SanMateoRizalPIO

April 10, 2024

PABATID | Free check-up for pets at Municipal Agriculture Office

Mayroong libreng check-up para sa ating mga alagang aso’t pusa bukas ng Huwebes, ika-11 ng Abril 2024, sa Municipal Agriculture Office, Nursery Rd., Brgy. Sta. Ana, San Mateo, Rizal, mula alas-8 ng umaga hanggang alas-3 ng hapon. Tumatanggap din dito ng anti-rabies vaccination at nagkakahalaga ito ng P100 kung unang beses pa lamang kayong magpapabakuna.

Sa mga nais pabakunahan ang kanilang mga alagang aso at pusa, narito ang inyong mga dapat tandaan:

Bago mabakunahan
1. Mga alagang hayop na nasa edad 3 buwan pataas lamang ang mga maaaring pabakunahan.
2. Walang sakit at hindi matamlay.
3. Hindi nakakagat sa loob ng 14 araw.
4. Hindi buntis.
5. Paliguan muna ang inyong mga alaga bago magtungo sa bakunahan.

Pagkatapos mabakunahan
1. Huwag paliguan ang inyong mga alaga sa loob ng 5 araw.
2. Huwag silang hayaang mapagod upang hindi sila mabinat.
3. Itago ang pet certificate na syang magsisilbing record para sa taunang pagbabakuna.

Hinihikayat natin ang mga may alagang aso’t pusa na samantalahin ang pagkakataon na ito para masiguro ang kalusugan nila.

#SanMateoRizalLGU
#SanMateoRizalPIO

April 10, 2024

TINGNAN | Eid’l Fitr o Pista ng Pagtatapos ng Pag-aayuno

Eid Mubarak!

Maagang nagtipon ang ating mga kapatid na Muslim ngayong araw sa Masjid Zubaida Noorul Imaan sa Brgy. Silangan, sa pangunguna ni Aleem Minsuari Comayog, upang sama-samang manalangin at bigyang hudyat ang pagsisimula ng pagdiriwang ng Eid’l Fitr o ang Pista ng Pagtatapos ng Pag-aayuno.

Minamarkahan ng pagdiriwang na ito ang pagtatapos ng kanilang panahon ng pagsasakripisyo at mataimtim na pagninilay noong buwan ng Ramadan.

Nakikiisa ang Pamahalaang Bayan sa inyong maligayang selebrasyon! Nawa’y makamit ninyo ang kasaganaan at lubos na pagpapala!

#SanMateoRizalLGU
#SanMateoRizalPIO

April 10, 2024

ANUNSIYO PUBLIKO | Trabaho para sa mga taga-San Mateo!

Sa pakikipagtulungan ng ating Public Employment Service Office (PESO) ay magsasagawa ang ating Pamahalaang Bayan ng Local Recruitment Activity (LRA) para sa Sannovex Pharmaceuticals. Gaganapin ito sa lobby sa unang palapag ng ating munisipyo sa darating na Biyernes, ika-12 ng Abril 2024, mula alas-9 ng umaga hanggang alas-2 ng hapon.

Ang Sannovex Pharmaceuticals ay nangangailangan ng mga sumusunod:
- Internal Audit Officer
- Medical Representative (Sales Position)

Para sa mga interesadong aplikante, magtungo po muna kayo sa tanggapan ng PESO, 1st flr. ng ating munisipyo, sa nakatakdang petsa at oras dala ang inyong updated resume at sariling ballpen. Maghanda rin para sa on-the-spot interview at hiring mula sa mga HR representative ng Sannovex Pharmaceuticals.

Abot-kamay mo na ang trabaho kababayan kaya apply na!

#SanMateoRizalLGU
#SanMateoRizalPIO
Publication material courtesy of Sannovex Pharmaceuticals

April 10, 2024

PAGDIRIWANG | Pagtatapos ng Ramadan

Nakikiisa ang Pamahalaang Bayan sa mga kapatid nating Muslim sa maligaya at mapagpalang pagdiriwang ng Eid al-Fitr. Isang pagbati ng Eid Mubarak sa inyo!

#SanMateoRizalLGU
#SanMateoRizalPIO

April 9, 2024

ANUNSIYO TRAPIKO | Road rehabilitation works ng DPWH

Magpapatupad ng STOP-AND-GO TRAFFIC SCHEME sa kahabaan ng Gen. Luna Ave. simula ika-11 ng Abril hanggang ika-30 ng Abril 2024, alas-9 ng gabi hanggang alas-5 ng umaga. Ito ay upang bigyang daan ang road asphalting works ng Department of Public Works and Highways (DPWH) mula Brgy. Dulong Bayan II, malapit sa Jones St., hanggang Brgy. Maly, malapit sa Arko ng Montalban.

Para sa kaligtasan ng lahat, lalong-lalo na ng ating mga motorista, magdahan-dahan po sa inyong pagdaan sa naturang lugar at tingnang mabuti ang mga heavy equipment at manggagawa sa daanan. Maglalagay ng mga signages at safety devices ang contractor upang siguraduhin ang kaligtasan ng construction area.

Salamat po sa inyong pang-unawa.

#SanMateoRizalLGU
#SanMateoRizalPIO

April 9, 2024

TINGNAN | Pagpaparangal sa Kagitingan ng mga Beterano: Saligan para sa Nagkakaisang Filipino

Pinangunahan ni Mayor Omie Rivera at Vice Mayor Jaime Romel M. Roxas ang isinagawang wreath-laying ceremony kaninang umaga para sa komemorasyon ng ika-82 anibersaryo ng Araw ng Kagitingan. Binigyang diin ni Mayor Omie sa kaniyang mensahe ang kahalagahan ng ating paggunita sa araw na ito—ang araw kung saan nagpamalas ng kagitingan ang kapwa natin mga Pilipino laban sa pwersa ng mga Hapon. Daan ito upang ating maipamana ang pagkamakabayan sa ating mga kabataan nang sa gayo’y maipagpatuloy ang pag-alala sa kabayanihan ng ating lahi hanggang sa mga susunod na henerasyon.

Samantala, dumalo rin sa wreath-laying ceremony na ito ang mga miyembro ng Sangguniang Bayan, Sangguniang Kabataan, mga punong barangay, San Mateo MLGOO Sherlyn Onate-Resurreccion, Philippine National Police (PNP), Bureau of Fire Protection (BFP), Bureau of Jail Management and Penology (BJMP), Department of Education (DepEd), San Mateo Municipal College (SMMC), mga pinuno ng tanggapan ng ating Pamahalaang Bayan, angkan ni Atty. Mamerto Natividad, Sr., Katipunang Pangkasaysayan ng San Mateo Rizal, Inc., Sons and Daughters of Veterans, Knights of Columbus, at Boy Scouts of the Philippines.

Dito sa ating bayan, ating sisikaping palakasin ang pagmamahal ng ating kababayan sa ating kasaysayan!

#SanMateoRizalLGU
#SanMateoRizalPIO

April 9, 2024

PAGGUNITA | Araw ng Kagitingan 2024

Pagpaparangal sa Kagitingan ng mga Beterano: Saligan para sa Nagkakaisang Filipino!

Sa makasaysayang araw na ito ating inaalala ang ika-82 Araw ng Kagitingan. Ito ang araw ng ating pagbibigay pugay sa ipinamalas na kagitingan ng mga sundalong Pilipino, kasama ang mga sundalong Amerikano, sa naganap na Labanan sa Bataan noong kasagsagan ng ikalawang digmaang pandaigdig.

Nawa’y manatili sa ating mga puso’t isipan ang ipinakitang tatag at kabayanihan ng ating mga kababayan noong panahon ng digmaan.

#SanMateoRizalLGU
#SanMateoRizalPIO

April 8, 2024

PABATID | April Holidays 2024

Sa bisa ng Proclamation No. 368, s. 2023 at Proclamation No. 514, s. 2024, pinagtibay ang deklarasyon ng ika-9 at ika-10 ng Abril 2024, araw ng Martes at Miyerkules, bilang mga pista opisyal. Tayo’y makiisa sa mga isasagawang komemorasyon at selebrasyon sa mga araw na ito.

#SanMateoRizalLGU
#SanMateoRizalPIO

April 8, 2024

TINGNAN | Flag raising ceremony sa pangunguna ng Department of Public Order and Safety

Ginanap ngayong araw ng Lunes ang regular na pagtataas ng bandila ng Pilipinas sa ating munisipyo sa pangunguna ng ating Department of Public Order and Safety (DPOS). Kanilang iniulat ang naging pagpupunyagi ng kanilang mga tanggapan noong nagdaang mga buwan. Kabilang na rito ang pagtatalaga ng mga Public Utility Vehicle (PUV) stops sa iba’t ibang lokasyon sa ating bayan nang sa gayon ay magkaroon ng maayos at wastong lugar na bababaan/sakayan ang ating mga kababayang commuter. Nagkaroon din ng implementasyon ukol sa pagbabawal sa mga tricycle, pedicab, at e-bike na bumaybay sa Gen. Luna Ave. bilang tugon sa bagong labas na DILG Memorandum Circular No. 2023-195. Samantala, sumailalim din ang DPOS sa LTO Orientation and Deputation Training Seminar upang mapaigting ang kaalaman at kasanayan ng ating mga traffic enforcers.

Pagkatapos ng kanilang pag-uulat ay nagkaroon naman ng pagpaparangal ang BFP R4A San Mateo Fire Station sa mga nagwagi sa kanilang mga patimpalak nitong nagdaang buwan ng Marso tulad ng Poster Making Contest, Tiktok Video Contest, at Firelympics. Maligayang pagbati sa bawat indibidwal at mga barangay na nagwagi at nawa’y naging makabuluhan at produktibo ang ating pagsisimula ng bagong linggong ito!

#SanMateoRizalLGU
#SanMateoRizalPIO

April 8, 2024

TINGNAN | Family and Counseling Day hatid ng SAMMADAC

Nagtipon nitong Sabado, ika-6 ng Abril 2024, ang ating mga kababayang Persons Who Used Drugs (PWUDs) kasama ang kanilang pamilya sa dating isolation facility sa Brgy. Guitnang Bayan I para sa isinagawang Family and Counseling Day.

Mayroon ditong sari-saring counseling booths kung saan kasama ng PWUDs ang kanilang kapamilya na tumatanggap ng counseling mula sa mga propesyunal na indibidwal sa larangan ng social work, sikolohiya, at pananampalataya at paglinang ng ating espiritwalidad. Binibigyang pagkakataon ng aktibidad na ito na magkaroon ng mas malalim at makabuluhang pag-uugnayan sa pagitan ng ating mga kababayang minsan nang naligaw ng landas at ng kanilang mga mahal sa buhay.

Bayan ng San Mateo, bayang suporta at kalinga ang handog sa iyo!

#SanMateoRizalLGU
#SanMateoRizalPIO

April 8, 2024

PABATID | Satellite Voter’s Registration para sa buwan ng Abril 2024

Kaugnay ng ongoing voter’s registration para sa ating mga kababayang nais makaboto sa 2025 national at local elections, narito ang UPDATED SCHEDULE para sa ating satellite voter’s registration ngayong buwan ng Abril:

April 5 to 6, 2024 - Brgy. Dulong Bayan II
April 8 to 11, 2024 - SM City San Mateo
April 12 to 13, 2024 - Brgy. Sto. Niño Court
April 15 to 18, 2024 - SM City San Mateo
April 19 to 20, 2024 - Brgy. Guitnang Bayan II
April 22 to 25, 2024 - SM City San Mateo
April 26 to 27, 2024 - Brgy. Malanday
April 29 to 30, 2024 - SM City San Mateo

Antabayanan lamang ang mga ilalabaas pa naming anunsiyo para sa iskedyul sa susunod pang mga buwan. Halina’t magparehistro upang makaboto, kababayan!

#MagpaRehistroKa
#SanMateoRizalLGU
#SanMateoRizalPIO

April 7, 2024

TINGNAN | 2-day Medical Mission sa San Mateo, Rizal handog ni Sen. Risa Hontiveros

Ngayong araw ang Day 2 at ang huling araw ng medical mission na handog ng tanggapan ni Sen. Risa Hontiveros para sa ating mga kababayan. Isinagawa naman ito sa Brgy. Sto. Niño Covered Court simula kaninang alas-7 ng umaga hanggang nitong alas-3 ng hapon.

Marami pong salamat sa inyong tulong pangkalusugan sa aming bayan, Sen. Risa Hontiveros!

#SanMateoRizalLGU
#SanMateoRizalPIO

April 7, 2024

TINGNAN | 2-day Medical Mission sa San Mateo, Rizal handog ni Sen. Risa Hontiveros

Isinagawa ngayong araw sa ating municipal stadium ang Day 1 ng 2-day Medical Mission sa ating bayan na pinangungunahan ng tanggapan ni Sen. Risa Hontiveros. Handog dito ang mga libreng laboratory testing tulad ng electrocardiogram (ECG), Doppler ultrasound, urinalysis, at blood chemistry. Magpapatuloy ang medical mission na ito bukas ng Linggo, ika-7 ng Abril 2024, sa Brgy. Sto. Niño Covered Court para naman sa ating mga kababayang nakatira sa upland barangays (mula Brgy. Gulod Malaya hanggang Brgy. Pintong Bukawe).

PAALALA: Inaabisuhan ang lahat ng mga pupunta bukas sa Brgy. Sto. Niño Covered Court para sa libreng lab testing na magdala rin ng VALID I.D. o BIRTH CERTIFICATE sakaling menor de edad (17 taong gulang pababa) ang magpapasuri.

Bayan ng San Mateo, katuwang mo sa kalusugan mo!

#SanMateoRizalLGU
#SanMateoRizalPIO

April 6, 2024

ANUNSIYO PUBLIKO | Walang Pasok!

Sa ilalim ng Proklamasyon Blg. 514, s. 2024, idineklara bilang isang REGULAR HOLIDAY ang ika-10 ng Abril 2024, araw ng Miyerkules. Ito ay sa ating pakikiisa sa masaya at mapayapang selebrasyon ng Eid’l Fitr o ang pagtatapos ng Ramadan ng ating mga kapatid na Muslim.

Eid mubarak!

#SanMateoRizalLGU
#SanMateoRizalPIO

April 5, 2024

ANUNSIYO TRAPIKO | Emergency road closure sa kahabaan ng Kambal Road

Simula ngayong araw, ika-5 ng Abril 2024, PANSAMANTALANG ISASARA ang kahabaan ng Kambal Road (pababa patungo sa San Mateo Public Market) sa Brgy. Guitnang Bayan I, malapit sa McDonald’s, upang bigyang daan ang isasagawang pagsasaayos ng Department of Public Works and Highways (DPWH) sa biglaang pagkasira ng kalsada rito.

Maaari lamang dumaan dito ang mga motorsiklo, traysikel, at E-bikes. Ang lahat ng mga sasakyan na may apat na gulong na tutungo sa San Mateo Public Market ay inaabisuhang dumaan sa Hilario St. sa Brgy. Sta. Ana.

Maraming salamat sa inyong pag-unawa.

#SanMateoRizalLGU
#SanMateoRizalPIO

April 5, 2024

PAGDIRIWANG | Philippine Veterans Week 2024

Alinsunod sa Proklamasyon Blg. 466, s. 1989 ni dating Pangulo Corazon Aquino, ating ginugunita tuwing ika-5 hanggang ika-11 ng Abril ng bawat taon ang Philippine Veterans Week. Sa tema nito ngayong taon na Pagpaparangal sa Kagitingan ng mga Beterano: Saligan para sa Nagkakaisang Filipino, sama-sama nating bigyang pugay at ipaabot ang ating pasasalamat sa ating mga kababayang beterano ng digmaan. Ang kanilang ipinamalas na tapang at tatag para sa ating bayan at bansa, nawa’y magsilbing inspirasyon para sa ating lahat!

Pagsaludo sa ating mga beterano ng digmaan! Mabuhay po kayo!

#VeteransWeek
#SanMateoRizalLGU
#SanMateoRizalPIO

April 4, 2024

PABATID | Youth Assembly and Consultation 2024 hatid ng LYDO

Muling magkakaroon ng pagtitipon ang mga kabataan sa ating bayan ngayong taon!

Halina’t lumahok sa “Sama-samang Pagtataguyod ng Kabataang Sektor: Youth Assembly and Consultation” ng ating Local Youth Development Office (LYDO) ngayong ika-21 ng Abril 2024. Gaganapin ito sa ating Municipal Stadium, Brgy. Guitnang Bayan I, mula 7:30 AM hanggang 5:30 PM. I-click lamang ang link na ito para makapagparehistro: https://forms.gle/5yaEE5QpnUH1atQx8

Isinusulong ng ating Pamahalaang Bayan ang pagkakaroon ng malayang pagbabahagi ng kaalaman at kakayahan ng bawat sektor sa ating bayan, partikular na ang mga kabataan. Makatutulong ito sa pagtukoy ng mga suliraning kanilang kinakaharap, maging ang mga nararapat na programa o interbensyon na maaaring tumugon sa kanilang pangangailagan.

Tara na kabataan ng San Mateo! Dito sa ating bayan, bibigyang boses ang mga kabataan!

#SanMateoRizalLGU
#SanMateoRizalLYDO
#SanMateoRizalPIO
#SamaSamaTayoKabataan

April 4, 2024

PABATID | 2-day Medical Mission sa San Mateo, Rizal handog ni Sen. Risa Hontiveros

Magkakaroon ng LIBRENG LABORATORY TESTING sa 2-day Medical Mission na pangungunahan ng tanggapan ni Sen. Risa Hontiveros sa ating bayan. Narito ang iskedyul:
- April 6, 2024 (7:00 AM to 3:00 PM) - Municipal Stadium, Brgy. Guitnang Bayan I (ang holding area ng mga magpapasuri ay sa San Mateo National High School)
- April 7, 2024 (7:00 AM to 3:00 PM) - Brgy. Sto. Niño Covered Court

PAGLILINAW:
- Ang lab testing sa ating Municipal Stadium ay para sa mga nakatira sa mga lowland barangays (mula Brgy. Maly hanggang Brgy. Banaba)
- Ang lab testing naman sa Brgy. Sto. Niño Covered Court ay para sa mga nakatira sa mga upland barangays (mula Brgy. Gulod Malaya hanggang Brgy. Pintong Bukawe)

Narito ang mga libreng pa-laboratory testing:
- Electrocardiogram (ECG) - 40 katao
- Doppler Ultrasound - 40 katao
*para sa mga buntis na nasa kanilang first trimester - Urinalysis - 40 katao
- Blood Chemistry - 40 katao
*kailangang nakapag-fasting ng 10 oras bago magpa-blood chem

TANDAAN:
- FIRST COME, FIRST SERVED BASIS po ang pag-avail ng libreng laboratory test
- Kailangang magdala ng request mula sa iyong doktor na ikaw ay kinakailangang magpa-laboratory test
- Magdala rin ng original at photocopy ng government-issued ID na nagpapakitang ikaw ay residente ng San Mateo, Rizal

#SanMateoRizalLGU
#SanMateoRizalPIO

April 3, 2024

PABATID | Free check-up for pets at Municipal Agriculture Office

Mayroong libreng check-up para sa ating mga alagang aso’t pusa bukas ng Huwebes, ika-4 ng Abril 2024, sa Municipal Agriculture Office, Nursery Rd., Brgy. Sta. Ana, San Mateo, Rizal, mula alas-8 ng umaga hanggang alas-3 ng hapon. Tumatanggap din dito ng anti-rabies vaccination at nagkakahalaga ito ng P100 kung unang beses pa lamang kayong magpapabakuna.

Sa mga nais pabakunahan ang kanilang mga alagang aso at pusa, narito ang inyong mga dapat tandaan:

Bago mabakunahan
1. Mga alagang hayop na nasa edad 3 buwan pataas lamang ang mga maaaring pabakunahan.
2. Walang sakit at hindi matamlay.
3. Hindi nakakagat sa loob ng 14 araw.
4. Hindi buntis.
5. Paliguan muna ang inyong mga alaga bago magtungo sa bakunahan.

Pagkatapos mabakunahan
1. Huwag paliguan ang inyong mga alaga sa loob ng 5 araw.
2. Huwag silang hayaang mapagod upang hindi sila mabinat.
3. Itago ang pet certificate na syang magsisilbing record para sa taunang pagbabakuna.

Hinihikayat natin ang mga may alagang aso’t pusa na samantalahin ang pagkakataon na ito para masiguro ang kalusugan nila.

#SanMateoRizalLGU
#SanMateoRizalPIO

April 2, 2024

TINGNAN | Fire Prevention Orientation para sa mga ECCD Learners

Pinangunahan ng Bureau of Fire Protection (BFP) - San Mateo ang pagkakaroon ng Fire Prevention Orientation para sa higit 3,000 mga mag-aaral sa 8 clusters ng ating Early Childhood Care and Development (ECCD) Centers noong ika-22 ng Marso 2024 sa iba’t ibang mga lokasyon sa ating bayan. Masiglang nakilahok ang mga batang mag-aaral sa mga inihandang presentasyon at aktibidad ng BFP-San Mateo. Ipinakita sa kanila ang wastong paggamit ng ilang mga pamatay sunog at mga ligtas tips o fire safety measures.

Sa ating pagsusumikap na maging ligtas sa banta ng sunog, mahalagang ang kaalaman at kahandaan para rito ay maituro sa ating mga kababayan, anuman ang kanilang edad. Dahil dito sa San Mateo, maalam at alerto tayo!

#SanMateoRizalLGU
#SanMateoRizalPIO

PAGLILINAW: Ang mga inilabas na larawan ay mayroong pahintulot mula sa paaralan at sa mga magulang ng mga batang kinunan.

April 2, 2024

TINGNAN | Capability Enhancement Seminar para sa VAW Desk Officers ng San Mateo Rizal

Pinangunahan ng ating San Mateo, Rizal- Municipal Social Welfare and Development Office MSWDO, katuwang ang GAD Office, ang pagtitipon ng mga Violence Against Women (VAW) Desk Officers para sa isang “Capability Enhancement Seminar on Handling Gender-based Violence Cases”. Ginanap ito sa Ciudad Christhia Resort (9 Waves), Brgy. Ampid I, nitong ika-22 hanggang ika-23 ng Marso 2024.

Nasa 30 mga VAW Desk Officer at mga Barangay Kagawad ang dumalo rito upang mabigyan ng karagdagang kaalaman ukol sa epektibong pangangasiwa at paghawak ng gender-based violence cases sa ating bayan. Daan ito upang mas maging epektibo ang ating VAW Desk Officers sa kanilang mga gampanin.

Dito sa San Mateo, may programang nakalaan upang mapabuti ang ating pagseserbisyo!

#SanMateoRizalLGU
#SanMateoRizalPIO

April 2, 2024

ANUNSIYO TRAPIKO | One lane road closure sa Gen. Luna Ave.

Pansamantalang magkakaroon ng ONE LANE ROAD CLOSURE sa kahabaan ng Gen. Luna Ave., malapit sa Conrock sa Brgy. Guinayang at sa jeepney terminal sa Brgy. Maly ngayong araw, ika-2 ng Abril, simula mamayang alas-9 ng gabi, hanggang ika-10 ng Abril 2024 (Miyerkules). Ito ay upang bigyang daan ang isasagawang road reblocking ng Department of Public Works and Highways (DPWH) doon.

Ipapatupad din dito ang STOP AND GO TRAFFIC SCHEME kaya asahan ang posibleng pagbigat ng trapiko sa lugar. Maraming salamat sa inyong pag-unawa.

#SanMateoRizalLGU
#SanMateoRizalPIO

April 2, 2024

TINGNAN | National Women’s Month Celebration 2024 para sa PWDs

Espesyal na “Pamper Day” ang inihandog ng atingSan Mateo, Rizal- Municipal Social Welfare and Development Office MSWDO, Persons with Disability Federation of San Mateo Rizal Inc. (PWDFSMRI), at Gender and Development Office (GAD) para sa ating mga kababayang PWDs nitong ika-26 ng Marso 2024. Libreng serbisyong pamparelax gaya ng haircut, manicure, at massage therapy ang inihandog natin sa mahigit 100 PWDs mula sa iba’t ibang barangay sa ating bayan. Nagpaabot din sa kanila ng mensahe ng pagsuporta sa programa si Konsi Grace Diaz, chairperson ng Committee on Social Services, Women and Family Relations, Differently-abled Persons, Senior Citizens and Veterans Affairs, Cooperative and People’s Organizations.

Layunin ng aktibidad na itong makapagbigay ng pantay na oportunidad at karagdagang serbisyo para sa ating mga kababayang kababaihan, partikular na sa mayroong kapansanan. Dito sa ating bayan, may libreng serbisyong handog para sa’yo, kababayan!

#SanMateoRizalLGU
#SanMateoRizalPIO

April 1, 2024

PABATID | Free check-up for pets at Municipal Agriculture Office

Mayroong libreng check-up para sa ating mga alagang aso’t pusa ngayong araw, ika-2 ng Abril 2024, hanggang alas-3 ng hapon, sa Municipal Agriculture Office, Nursery Rd., Brgy. Sta. Ana, San Mateo, Rizal. Tumatanggap din dito ng anti-rabies vaccination at nagkakahalaga ito ng P100 kung unang beses pa lamang kayong magpapabakuna.

Sa mga nais pabakunahan ang kanilang mga alagang aso at pusa, narito ang inyong mga dapat tandaan:

Bago mabakunahan
1. Mga alagang hayop na nasa edad 3 buwan pataas lamang ang mga maaaring pabakunahan.
2. Walang sakit at hindi matamlay.
3. Hindi nakakagat sa loob ng 14 araw.
4. Hindi buntis.
5. Paliguan muna ang inyong mga alaga bago magtungo sa bakunahan.

Pagkatapos mabakunahan
1. Huwag paliguan ang inyong mga alaga sa loob ng 5 araw.
2. Huwag silang hayaang mapagod upang hindi sila mabinat.
3. Itago ang pet certificate na syang magsisilbing record para sa taunang pagbabakuna.

Hinihikayat natin ang mga may alagang aso’t pusa na samantalahin ang pagkakataon na ito para masiguro ang kalusugan nila.

#SanMateoRizalLGU
#SanMateoRizalPIO

April 1, 2024

TINGNAN | Flag raising ceremony sa pangunguna ng ika-26 Sangguniang Bayan ng San Mateo Rizal

Ginanap ngayong araw ng Lunes ang regular na pagtataas ng bandila ng Pilipinas sa ating munisipyo sa pangunguna ng ating 26th Sangguniang Bayan. Kanilang iniulat ang naging pagpupunyagi ng kanilang mga tanggapan noong nagdaang mga buwan.

Bilang lehislatibong sangay ng ating Pamahalaang Bayan, nakatuon sa kapakanan at kapakinabangan ng ating mga kababayan ang pagseserbisyo ng ating Sangguniang Bayan. Bukod sa paggawa, pag-amyenda, at pagpasa ng mga pambayang ordinansa, sila rin ang nagsisilbing tagapangasiwa at tagapamagitan sa mga public hearing, consultative meeting, at pagbibigay akreditasyon sa mga Civil Society Organizations (CSOs).

Muli, isang mainit na pagbati para sa ating lahat! Nawa’y naging makabuluhan at produktibo para sa lahat ang pagsisimula ng bagong linggong ito!

#SanMateoRizalLGU
#SanMateoRizalPIO

March 31, 2024

TINGNAN | National Women’s Month Celebration 2024

Isinagawa nitong Martes, ika-26 ng Marso 2024, sa ating municipal stadium ang Women’s Fest bilang kulminasyon ng ating pakikiisa sa paggunita ng National Women’s Month. Pinangunahan ito ng ating San Mateo, Rizal- Municipal Social Welfare and Development Office MSWDO, katuwang ang Gender and Development Office (GAD). Kanilang inihanda ang sari-saring mga aktibidad na nagtatampok ng husay at pagkamalikhain ng bawat kababaihan. Masiglang nakibahagi rito ang 300 kababaihang mga benepisyaryo ng Pantawid Pamilyang Pilipino Program (4Ps), senior citizens, solo parents, at persons with disability (PWDs) mula sa iba’t ibang barangay.

Narito rin sina Vice Mayor Jimmy Roxas, Konsi Grace Diaz, at Bb. Yra Sibug na nagbigay ng kanilang mensahe ukol sa kahalagahan ng kababaihan sa lahat ng larangan ng ating lipunan. Dito sa San Mateo, kakayahan ng kababaihan, patutunayan!

#SanMateoRizalLGU
#SanMateoRizalPIO

March 31, 2024

TINGNAN | Pasko ng muling pagkabuhay ni Hesus

Ipagdiwang ang Kaniyang muling pagkabuhay!

Maagang nagtipon para sa Prusisyon ng Pagsalubong ang mga kababayan nating debotong Katoliko ngayong araw. Pasado alas-3 ng madaling araw kanina nang magsimulang bagtasin ng mga nagprusisyon ang kahabaan ng Gen. Luna at iba pang mga kalye sa ating bayan at nang magtagpo ang mga imahen ni Hesus at Maria ay nagsiawit ang mga batang mistulang anghel sa mga simbahan. Sinundan naman ang pagtatagpong ito ng isang Banal na Misa. Sa ating naging pagninilay ngayong Panahon ng Kuwaresma, nawa’y manaig sa ating mga puso’t isipan ang mga ipinakita at itinuro sa atin ng Panginoon: pagpapatawad, pagmamahal, pananampalataya, at pasasalamat.

#SanMateoRizalLGU
#SanMateoRizalPIO

March 31, 2024

SEMANA SANTA 2024 | Linggo ng Pagkabuhay

Tayo’y magdiwang sapagkat muli Siyang nabuhay at nagbalik sa atin! Dala Niya ang kaliwanagan at ang pag-asa para sa sangkatauhan. Ating ipagbunyi ang Kaniyang kadakilaan!

Isang puno ng galak na Linggo ng Pagkabuhay ang sumaating lahat, mga kababayan!

#SanMateoRizalLGU
#SanMateoRizalPIO

March 30, 2024

TINGNAN | Semana Santa 2024

Narito ang ilang eksena sa mga ginanap na prusisyon sa pagkamatay ni Hesus kahapon ng Biyernes Santo, ika-29 ng Marso 2024.

Isang mataimtim na paggunita ng Semana Santa, kababayan.

#SanMateoRizalLGU
#SanMateoRizalPIO

March 30, 2024

SEMANA SANTA 2024 | Sabado de Gloria

Ating pagtiwalaan ang pangako sa atin ng Panginoon. Sa gitna ng dilim at pagkalumbay, tayo’y manalig at magnilay.

Isang mataimtim na paggunita ng Semana Santa, kababayan.

#SanMateoRizalLGU
#SanMateoRizalPIO

March 29, 2024

Happy birthday, Cong. Jojo at Konsi Grace

Isang mapagpalang kaarawan po para sa inyo, Hon. Jose Arturo Garcia, Jr. at Coun. Mary Grace Diaz! Pagbati mula sa Pamahalaang Bayan ng San Mateo, Rizal.

#SanMateoRizalLGU
#SanMateoRizalPIO

March 29, 2024

SEMANA SANTA 2024 | Biyernes Santo

Siya ang ating dakilang manunubos—pinaratangan, dinusta, at namatay para sa kasalanan ng sanlibutan. Dakila ang Kaniyang pag-ibig sa atin na mga iniligtas Niya.

Isang mataimtim na paggunita ng Semana Santa, kababayan.

#SanMateoRizalLGU
#SanMateoRizalPIO

March 28, 2024

TINGNAN | ICS Activation para sa Oplan Semana Santa 2024

Activated na ang ating Incident Command System (ICS) para sa Oplan Semana Santa 2024 sa ganap na ika-8 ng umaga ngayong araw. Kasabay nito ang pagtatatag ng ating Incident Command Post (ICP) sa Plaza Natividad at iba pang staging areas sa iba’t ibang lokasyon sa ating bayan.

Mananatiling aktibo 24 oras ang ICP para sa pagpapanatili ng isang maayos at mapayapang pagsasagawa ng mga aktibidades sa ating taimtim na pagdiriwang ng Semana Santa. Ito ang mga emergency hotlines na maaaring tawagan sakaling mangailangan ng tulong:

PNP - (02) 8297-8100 loc. 114; 0998-5985-728
BFP - (02) 8297- 8100 loc. 134; 0963-0203-591
MDRRMO - (02) 8297-8100 loc. 129; 0945-3544-464
DPOS - (02) 8297-8100 loc. 130-131

Maging alerto, bayan ng San Mateo!

#OplanSemanaSanta2024
#SanMateoRizalLGU
#SanMateoRizalPIO

March 28, 2024

TINGNAN | Libreng Pap smear hatid ng Municipal Health Office

Dekalidad na serbisyong medikal ang handog ng San Mateo Municipal Health Office (MHO) para sa ating mga kababaihan. Nagkaroon ngayong buwan ng serye ng libreng Pap smear sa iba’t ibang lokasyon sa ating bayan simula noong ika-14 ng Marso hanggang ika-25 ng Marso 2024. Umabot sa lagpas 200 ang kabuuang bilang ng mga kababaihang naging benepisyaryo ng serbisyong ito.

Ngayong selebrasyon ng National Women’s Month, hangad nating matutukan ang kalusugan ng ating mga kababayan, partikular na sa reproductive health ng ating mga kababaihan. Bayan ng San Mateo, katuwang mo sa kalusugan mo!

#SanMateoRizalLGU
#SanMateoRizalPIO

March 28, 2024

TINGNAN | SBIRT Training at CBDRP Orientation hatid ng SAMMADAC

Sumailalim sa tatlong araw na pagsasanay tungkol sa Screening, Brief Intervention, and Referral to Treatment (SBIRT) at Community-Based Drug Rehabilitation Program (CBDRP) Certification ang higit sa 30 mga Barangay Health Workers (BHWs), kinatawan ng ating San Mateo MHO, San Mateo Philippine National Police (PNP) at Bureau of Jail Management and Penology (BJMP).

Layunin ng ating Pamahalaang Bayan na makapaghandog ng mga kapaki-pakinabang na programang nakasentro sa rehabilitasyon ng ating mga kababayang Persons Who Used Drugs (PWUDs). Ating tinitiyak na may sapat na kaalaman at kahandaan ang mga magsisilbi nilang kaagapay pagdating sa kanilang laban sa adiksyon at pagkalulong sa ipinagbabawal na gamot.

Bayan ng San Mateo, bayang suporta at kalinga ang handog sa iyo!

#SanMateoRizalLGU
#SanMateoRizalPIO

March 28, 2024

PABATID | San Mateo Rizal Emergency Hotlines

Narito ang mga emergency hotlines sa ating bayan na maaaring tawagan sakaling mangailangan ng tulong:

PNP - (02) 8297-8100 loc. 114; 0998-5985-728
BFP - (02) 8297- 8100 loc. 134; 0963-0203-591
MDRRMO - (02) 8297-8100 loc. 129; 0945-3544-464
DPOS - (02) 8297-8100 loc. 130-131
Sa panahon ng anumang insidente, bantang panganib, o sakuna, mahalagang alam mo ang mga numerong mahihingan ng saklolo. Bayan ng San Mateo, kaligtasan mo ang prayoridad dito!

#SanMateoRizalLGU
#SanMateoRizalPIO

March 28, 2024

SEMANA SANTA 2024 | Huwebes Santo

Ating patuluyin ang Panginoon sa ating buhay, gaya ng Kaniyang pag-anyaya sa ating sumalo sa Kaniyang piging. Tayo’y magpasalamat at magbahagi ng Kaniyang mga biyaya.

Isang mataimtim na paggunita ng Semana Santa, kababayan.

#SanMateoRizalLGU
#SanMateoRizalPIO

March 28, 2024

TINGNAN | Dengue Awareness Seminar hatid ng Municipal Health Office

Nagtipon nitong ika-22 ng Marso 2024 sa Admin Office ng ating municipal stadium ang mga kinatawan ng iba’t ibang mga barangay sa ating bayan para sa Dengue Awareness Seminar hatid ng San Mateo Municipal Health Office. Dito’y nagkaroon ng pagbabahagi ng mga panimulang kaalaman ukol sa dengue, kung saan at paano ito nagsisimula, at kung paano makakaiwas sa banta nito.

Bayan ng San Mateo, katuwang mo sa kalusugan mo!

#SanMateoRizalLGU
#SanMateoRizalPIO

March 27, 2024

TINGNAN | Pamamahagi ng window fly screen sa Malanday Elementary School

Namahagi ng 2 rolyo ng window fly screens ang Department of Health (DOH) sa Malanday Elementary School nitong Biyernes, ika-22 ng Marso 2024. Naroon din ang ating Sanitary Officer, Engr. Mario Enriquez na nagsagawa ng inspeksyon sa lugar o silid na maaaring paggamitan nito.

Ang proyektong ito ay sa pagtutulungan ng DOH at ng ating Pamahalaang Bayan upang matiyak natin ang ating kahandaan laban sa banta ng dengue dito sa ating bayan. Dito sa San Mateo, kalinisan at kaligtasan ng ating mga kababayan, ating tututukan!

#SanMateoRizalLGU
#SanMateoRizalPIO

March 27, 2024

BALITANG PALAKASAN | Justine Anastacio, gold medalist sa 2024 Philippine National Championship MTB XCO/XCE

Patuloy si Justine Anastacio sa pag-abot ng tagumpay sa mundo ng cycling competition. Pinakabago sa kaniyang nasungkit na medalya ngayong taon ay ang isang Gold Medal at Silver Medal sa 2024 Philippine National Championship MTB XCO/XCE na ginanap sa Indang, Cavite. Ito ay isang prestihiyosong 2-day cycling competition kung saan naglaban-laban ang mga pinakamagagaling na siklista ng ating bansa.

Kahanga-hanga ang iyong husay, Justine Anastacio! Iyong muling pinatunayan na basta palakasan, malakas ang mga taga-San Mateo diyan!

#SanMateoRizalLGU
#SanMateoRizalPIO

March 26, 2024

SEMANA SANTA 2024 | Miyerkules Santo

Ating pagnilayan at pagsisihan ang ating mga nagawang kasalanan. Tayo’y magpayakap sa kaliwanagan at pagpapatawad ng Panginoon.

Isang mataimtim na paggunita ng Semana Santa, kababayan.

#SanMateoRizalLGU
#SanMateoRizalPIO

March 26, 2024

ANUNSIYO PUBLIKO | Temporary suspension of voter’s registration

Pansamantalang ihihinto ang Voter’s Registration sa SM City San Mateo simula bukas ng Miyerkules, ika-27 ng Marso 2024 hanggang ika-31 ng Marso 2024. Muli itong magbabalik sa ika-1 ng Abril 2024.

Ito ay upang bigyang daan ang ating taimtim na paggunita ng Semana Santa ngayong taon. Marami pong salamat sa pag-unawa.

#SanMateoRizalLGU
#SanMateoRizalPIO

March 26, 2024

TINGNAN | EmpowerHer Fitness Fiesta 2024

Sa ating taimtim na paggunita sa panahon ng Kuwaresma ngayong taon, pansamantalang ipatutupad ang STOP AND GO TRAFFIC SCHEME sa kahabaan ng Gen. Luna Ave. upang magbigay daan sa ilang mga prusisyon na isasagawa sa mga araw at oras na ito:

March 27, 2024 - 7:00 PM hanggang 10:00 PM
March 29, 2024 - 5:00 PM hanggang 9:00 PM

Magsisimula ang mga prusisyong ito sa Diocesan Shrine and Parish of Nuestra Señora de Aranzazu (DSPNSDA) at babagtasin nito ang kahabaan ng Brgy. Sta. Ana, Brgy. Guitnang Bayan I at II, Brgy. Dulong Bayan I at II, Brgy. Malanday at pabalik ng DSPNSDA. Samantala, magkakaroon din ng prusisyon sa San Jose de Ampid Parish at Sta. Cecilia Parish na babagtas naman sa kani-kanilang mga lugar.

Inaabisuhan ang mga patungong Montalban na dumaan sa Paraiso (Miguel Cristi St.), kumaliwa sa Daang Bakal, dumiretso sa Patiis Rd. pabalik sa Gen. Luna Ave. at patungo sa inyong destinasyon.

Asahan ang pagbigat ng daloy ng trapiko. Maraming salamat sa inyong pag-unawa.

#SanMateoRizalLGU
#SanMateoRizalPIO

March 26, 2024

TINGNAN | EmpowerHer Fitness Fiesta 2024

Higit sa 100 mga kababaihan ang lumahok sa ating EmpowerHer Fitness Fiesta 2024 nitong Biyernes, ika-22 ng Marso 2024. Aktibong nakihataw ang lahat sa morning Zumba session sa ating municipal stadium. Pagkatapos nito ay nagkaroon naman ng isang volleyball game sa pagitan ng mga kalahok.

Ang ating Pamahalaang Bayan ay patuloy na nakikiisa sa selebrasyon ng National Women’s Month. Ating pinag-uugnay ang mga kababaihan sa ating bayan sa pamamagitan ng mga programang tumutugon sa pagpapabuti ng kanilang kalusugan at pagpapaunlad ng kanilang kaalaman at pangkabuuang kalakasan. Para sa lahat ng mga kababaihan, let us EmpowerHer!

Dito sa San Mateo, kakayahan ng kababaihan, patutunayan!

#SanMateoRizalLGU
#SanMateoRizalPIO

March 26, 2024

TINGNAN | Gender Sensitivity Training hatid ng GAD

Nagsagawa ang ating Gender and Development Office (GAD) ng isang Gender Sensitivity Training noong Biyernes, ika-22 ng Marso 2024, para sa higit 300 mga mag-aaral ng Jose F. Diaz Memorial National High School. Ang naging mga diskusyon at presentasyon ay nakasentro sa Republic Act No. 7610 o ang Special Protection of children Against Child Abuse, Exploitation and Discrimination Act at ng Child Protection Policy ng Department of Education (DepEd).

Tinalakay ni Dr. Renifer Francisco ng Gender Empowerment Consultancy and Advocacy Firm (GECAF) ang iba’t ibang uri ng karahasan na lumalaganap sa ating lipunan at ang ilang mahahalagang paalala upang manatiling ligtas ang ating mga kabataan mula sa anumang uri ng karahasan. Dito sa ating bayan, sama-sama nating lalabanan ang mga banta ng karahasan at pang-aabuso sa ating mga kabataan!

#SanMateoRizalLGU
#SanMateoRizalPIO

March 26, 2024

PABATID | Satellite Voter’s Registration para sa buwan ng Abril 2024

Kaugnay ng ongoing voter’s registration para sa ating mga kababayang nais makaboto sa 2025 national at local elections, narito ang iskedyul para sa ating satellite voter’s registration:

April 1 to 4, 2024 - SM City San Mateo
April 5 to 6, 2024 - Brgy. Dulong Bayan II
April 8 to 11, 2024 - SM City San Mateo
April 12 to 13, 2024 - Brgy. Sto. Niño Court
April 15 to 19, 2024 - SM City San Mateo
April 20, 2024 - Brgy. Guitnang Bayan II
April 22 to 26, 2024 - SM City San Mateo
April 27, 2024 - Brgy. Guitnang Bayan II
April 29 to 30, 2024 - SM City San Mateo

Antabayanan lamang ang mga ilalabaas pa naming anunsiyo para sa iskedyul sa susunod pang mga buwan. Halina’t magparehistro upang makaboto, kababayan!

#MagpaRehistroKa
#SanMateoRizalLGU
#SanMateoRizalPIO

March 26, 2024

SEMANA SANTA 2024 | Martes Santo

Ang katuruan ng Panginoon nawa’y magsilbing ating liwanag at gabay sa pagtahak natin sa ating kaniya-kaniyang mga landas.

Isang mataimtim na paggunita ng Semana Santa, kababayan.

#SanMateoRizalLGU
#SanMateoRizalPIO

March 25, 2024

TINGNAN | Flag raising ceremony sa pangunguna ng Sanitary Unit

Ginanap ngayong araw ng Lunes ang regular na pagtataas ng bandila ng Pilipinas sa ating munisipyo sa pangunguna ng ating Sanitary Unit. Kanilang iniulat ang naging pagpupunyagi ng kanilang mga tanggapan noong nagdaang mga buwan. Patuloy lamang ang ating Sanitary Unit sa pagsasagawa ng mga aktibidades na naaayon sa kanilang mandato: ang pagbusisi at pagtiyak ng kalinisan sa anumang pasilidad at establisyimento sa ating bayan upang mapangalagaan ang kalusugan ng ating mga kababayan.

Matapos ang kanilang pag-uulat ay isinagawa naman ang pag-turnover ng ating Pamahalaang Bayan sa San Mateo BFP ng dalawang motorsiklo na makatutulong sa kanilang mga isinasagawang operasyon. Isang mainit na pagbati para sa ating lahat! Nawa’y naging makabuluhan at produktibo ang ating pagsisimula ng bagong linggong ito!

#SanMateoRizalLGU
#SanMateoRizalPIO

March 25, 2024

TINGNAN | 1st Quarter Nationwide Simultaneous Earthquake Drill sa San Mateo

Nakibahagi ang ating Pamahalaang Bayan sa ginanap na 1st Quarter Nationwide Simultaneous Earthquake Drill (NSED) ngayong araw. Sa pagtunog ng alarm ay nagsipag-duck, cover, and hold ang bawat kawani ng San Mateo LGU bago tuluyang magtungo sa open area sa harap ng Plaza Natividad. Nagkaroon dito ng mga pagsasadulang nagpakita ng sari-saring eksena na maaaring maganap sa kasagsagan ng paglindol, maging ang nararapat na pagresponde rito.

Sa panahong tayo’y maharap sa anumang bantang panganib, partikular na ang lindol, mahalaga na tayo ay maalam at may sapat na kahandaan. Maraming salamat sa lahat ng nakibahagi sa ating 1st Quarter Nationwide Simultaneous Earthquake Drill!

Bayan ng San Mateo, kaligtasan mo ang prayoridad dito!

#NSED2024
#BidaAngHanda
#ResiliencePH
#SanMateoRizalLGU
#SanMateoRizalPIO

March 25, 2024

PABATID | Free check-up for pets at Municipal Agriculture Office

Mayroong libreng check-up para sa ating mga alagang aso’t pusa bukas ng Martes, ika-26 ng Marso 2024, sa Municipal Agriculture Office, Nursery Rd., Brgy. Sta. Ana, San Mateo, Rizal, mula alas-8 ng umaga hanggang alas-3 ng hapon. Tumatanggap din dito ng anti-rabies vaccination at nagkakahalaga ito ng P100 kung unang beses pa lamang kayong magpapabakuna.

Sa mga nais pabakunahan ang kanilang mga alagang aso at pusa, narito ang inyong mga dapat tandaan:

Bago mabakunahan
1. Mga alagang hayop na nasa edad 3 buwan pataas lamang ang mga maaaring pabakunahan.
2. Walang sakit at hindi matamlay.
3. Hindi nakakagat sa loob ng 14 araw.
4. Hindi buntis.
5. Paliguan muna ang inyong mga alaga bago magtungo sa bakunahan.

Pagkatapos mabakunahan
1. Huwag paliguan ang inyong mga alaga sa loob ng 5 araw.
2. Huwag silang hayaang mapagod upang hindi sila mabinat.
3. Itago ang pet certificate na syang magsisilbing record para sa taunang pagbabakuna.

Hinihikayat natin ang mga may alagang aso’t pusa na samantalahin ang pagkakataon na ito para masiguro ang kalusugan nila.

#SanMateoRizalLGU
#SanMateoRizalPIO

March 25, 2024

SEMANA SANTA 2024 | Lunes Santo

Ang ating tunay at taimtim na pananampalataya sa Kaniya ay magbubunga ng kasaganaan sa ating kalooban at espiritu.

Isang mataimtim na paggunita ng Semana Santa, kababayan.

#SanMateoRizalLGU
#SanMateoRizalPIO

March 24, 2024

TINGNAN | Oplan Ligtas na Pamayanan ng BFP-San Mateo

Nagdaos ng serye ng Community Fire Protection Plan Workshop ang Bureau of Fire Protection (BFP) - San Mateo na nagsimula noong ika-20 ng Marso 2024 sa Alberto’s Banquet Hall, Brgy. Malanday. Dito’y nagtipon-tipon ang higit sa 40 mga kapitan at kinatawan ng Barangay Disaster Risk Reduction and Management Office (BDRRMO) ng iba’t ibang barangay sa ating bayan.

Naging interaktibo at puno ng kaalaman ang kanilang pagsasanay ukol sa wastong pagresponde sakaling magkaroon ng fire incident sa kani-kanilang mga lugar. Layunin nitong pataasin ang kahandaan ng ating mga barangay emergency fire responders nang sila’y makabuo rin ng mabisang plano upang matiyak ang seguridad ng ating mga kababayan mula sa sunog.

Bayan ng San Mateo, kaligtasan mo ang prayoridad dito!

#SanMateoRizalLGU
#SanMateoRizalPIO

March 24, 2024

SEMANA SANTA 2024 | Linggo ng Palaspas

Buong galak natin Siyang salubungin at patuluyin sa ating mga puso. Tayo’y yumukod at Siya’y walang hanggang papurihan.

Isang mataimtim na paggunita ng Semana Santa, kababayan.

#SanMateoRizalLGU
#SanMateoRizalPIO

March 23, 2024

TINGNAN | Community Fire Auxiliary Group (CFAG) Fire Combat Challenge 2024

Muling nagtipon-tipon ngayong araw ang mga emergency fire responders mula sa iba’t ibang barangay sa ating bayan para sa taunang Community Fire Auxiliary Group (CFAG) Fire Combat Challenge na pinangungunahan ng ating Bureau of Fire Protection- BFP R4A San Mateo Fire Station. Bago pa man magsimula ang mga inihandang palaro ay naghandog ng espesyal na mensahe para sa mga kalahok sina Municipal Fire Marshal FCInsp. Richard Erickson Malamug, MLGOO-DILG Bb. Sherlyn Oñate-Resurreccion, mga punong barangay at kanilang mga kinatawan, at ang kinatawan ng SM City San Mateo.

Nagpamalas ng natatanging liksi at husay ang mga kalahok mula sa Brgy. Ampid I, Brgy. Ampid II, Brgy. Banaba, Brgy. Dulong Bayan I, Brgy. Dulong Bayan II, Brgy. Guitnang Bayan I, Brgy. Guitnang Bayan II, Brgy. Gulod Malaya, Brgy. Malanday, Brgy. Sta. Ana, at Brgy. Silangan. Ngayong taon ay nakibahagi rin sa ating Firelympics ang Bureau of Jail Management and Penology (BJMP) at ang SM City San Mateo. Hindi matatawaran ang kanilang determinasyon at pagtutulungan upang mapagtagumpayan ang mga aktibidades gaya ng Flammable Liquid Fire Extinguishment, Bucket Relay, at Busted Hose. Maraming salamat sa lahat ng mga lumahok na barangay! Nawa’y manatili sa atin kahalagahan ng pagiging handa at maalam sa pagharap sa anumang bantang panganib, partikular na sa sunog.

Bayan ng San Mateo, kaligtasan mo ang prayoridad dito!

#SanMateoRizalLGU
#SanMateoRizalPIO

March 23, 2024

Happy birthday, Bokal JPB!

Isang mapagpalang kaarawan para sa inyo, Bokal John Patrick Bautista! Pagbati mula sa Pamahalaang Bayan ng San Mateo, Rizal.

#SanMateoRizalLGU
#SanMateoRizalPIO

March 23, 2024

PAGDIRIWANG | National Women’s Month 2024

Woman of the Week: Sherlyn A. Oñate-Resurreccion

Ngayong buwan ng Marso, ating ipinagbubunyi ang kontribusyon at kakayahan ng mga kababaihan na kanilang nilalaan para sa kapwa at bayan. ‘Di masusukat ang tatag ng mga kababaihang piniling magsilbi at ialay ang kanilang oras, talento, at husay para sa ikabubuti ng kanilang bayan at bansa.

Dito sa ating bayan, kakayahan ng kababaihan, patutunayan!

#SanMateoRizalLGU
#SanMateoRizalPIO

March 23, 2024

PABATID | Earth Hour 2024

Sama-sama tayong makibahagi sa malawakang pagkilos ng World Wildlife Fund (WWF) para sa ating Inang Kalikasan ngayong araw, ang Earth Hour 2024. Ating bigyang suporta ang pandaigdigang kampanya na ito kontra climate change at magpatay ng inyong mga ilaw mamayang 8:30 hanggang 9:30 ng gabi bilang pagsuporta rito.

Bayan ng San Mateo, katuwang mo sa pangangalaga ng kalikasan at ng ating mundo!

#EarthHour2024
#SanMateoRizalLGU
#SanMateoRizalPIO

March 22, 2024

TINGNAN | Paggawad ng cash gift sa ating mga kababayang centenarian

Pinangunahan ng Department of Social Welfare and Development (DSWD) at ng ating Municipal Social Welfare and Development Office (MSWDO) kahapon, ika-21 ng Marso 2024, ang paghahandog ng cash gift at sertipiko ng pagkilala sa ating mga kababayang centenarian na sina Lola Fructosa Reyes mula sa Brgy. Dulong Bayan II at Lola Precentacion Amurao mula sa Brgy. Ampid II.

Malugod na binabati ng ating Pamahalaang Bayan sina Lola Fructosa at Lola Precentacion, sa kanilang pagsapit sa edad na 100 taong gulang! Nawa’y makapagbigay pa ng ibayong suporta ang ating kaloob sa kanilang mga pangangailangan.

Dito sa San Mateo, may kalinga para kina lolo at lola!

#SanMateoRizalLGU
#SanMateoRizalPIO

March 22, 2024

TINGNAN | IEC Campaign ukol sa Responsible Pet Ownership hatid ng Animal Welfare Office at Municipal Agriculture Office

Ginanap nitong Miyerkules, ika-20 ng Marso 2024, sa ating municipal stadium ang isang Information, Education, and Communication (IEC) Campaign ukol sa responsible pet ownership, rabies at wild animals awareness. Pinangunahan ito ng ating Animal Welfare Officer (AWO) at ng Municipal Agriculture Office. Dinaluhan naman ito ng higit sa 600 mga mag-aaral mula sa San Mateo Municipal College (SMMC). Samantala, nagkaroon din ng maikling pagbabahagi ang Local Youth Development Office patungkol sa kanilang mga programang inihahandog para sa mga kabataan.

Nagparating ng mensahe ng pasasalamat at pagsuporta sa programa sina Vice Mayor Jaime Romel M. Roxas, Municipal Administrator Henry Desiderio, at ang mga resource speakers ng naturang programa na sina Bb. Guadalupe V. Fulgado ng Rizal Provincial Veterinary Office, Bb. Anda Ramirez, at Nurse Raechelle Besas.

Tayo nang magkaisa tungo sa pagiging maaasahan at responsableng mga pet owners! Dito sa ating bayan, mayroong handog na kalinga para sa ating mga alaga!

#SanMateoRizalLGU
#SanMateoRizalPIO

March 22, 2024

HAPPENING NOW | Libreng check-up at anti-rabies vaccination para sa mga alagang hayop sa Brgy. Sta. Ana

Nagkakaroon ngayong araw ng libreng konsultasyon at bakunahan kontra rabies para sa ating mga alagang aso’t pusa sa Brgy. Sta. Ana Covered Court. Hanggang alas-12 ng tanghali pa po ito kaya dalhin na ang inyong mga fur babies!

Narito ang mga dapat tandaan bago at pagkatapos pabakunahan ang inyong mga alaga:

Bago magpabakuna:
1. Mga alagang hayop na nasa edad 3 buwan pataas lamang ang mga maaaring pabakunahan.
2. Walang sakit at hindi matamlay.
3. Hindi nakakagat sa loob ng 14 araw.
4. Hindi buntis.
5. Paliguan muna ang inyong mga alaga bago magtungo sa bakunahan.

Pagkatapos mabakunahan
1. Huwag paliguan ang inyong mga alaga sa loob ng 5 araw.
2. Huwag silang hayaang mapagod upang hindi sila mabinat.
3. Itago ang pet certificate na siyang magsisilbing record para sa taunang pagbabakuna.

Hinihikayat natin ang mga may alagang aso’t pusa na samantalahin ang pagkakataon na ito para masiguro ang kalusugan nila.

#SanMateoRizalLGU
#SanMateoRizalPIO

March 21, 2024

PAGDIRIWANG | National Women’s Month 2024

Woman of the Week: Myrina Balbao

Ngayong buwan ng Marso, ating ipinagbubunyi ang kontribusyon at kakayahan ng mga kababaihan na kanilang nilalaan para sa kapwa at bayan. Kapansana’y hindi alintana at magiging balakid sa mga kababaihang buo ang loob na humarap sa anumang hamon ng buhay.

Dito sa ating bayan, kakayahan ng kababaihan, patutunayan!

#SanMateoRizalLGU
#SanMateoRizalPIO

March 20, 2024

TINGNAN | Emergency Shelter Assistance Program

Nagkaroon kahapon, ika-19 ng Marso 2024, ng pamamahagi ng tulong pinansiyal para sa mga nasunugan sa Doña Pepeng Brgy. Banaba. Ito ay sa pagtutulungan ng opisina nina Sen. Imee Marcos at Gob. Nina Ynares at sa pamamagitan ng Emergency Shelter Assistance Program (ESAP). Matatandaang sumiklab ang sunog dito noong ika-7 ng Enero 2024, kung saan mahigit 80 pamilya ang naapektuhan.

Dumalo at nagpaabot naman ng kanilang pasasalamat sina Mayor Omie Rivera, Cong. Jojo Garcia, Bokal JP Bautista,Vice Mayor Jimmy Roxas, Konsi Jojo Juta at Kap. Sherwin Cuevillas. Muli, marami pong salamat Sen. Imee Marcos at Gob. Nina Ynares sa inyong tulong sa aming mga kababayan!

#SanMateoRizalLGU
#SanMateoRizalPIO

March 20, 2024

TINGNAN | “Bridging Care to Female Inmates” Program hatid ng MHO at GAD

Kahapon, ika-19 ng Marso 2024, ay nagkaroon ng medical at dental mission sa ating Bureau of Jail Management and Penology (BJMP) - San Mateo Female Dormitory para sa higit 100 mga kababaihang Persons Deprived of Liberty (PDL) sa ating bayan. Pinangunahan ang aktibidad na ito ng ating San Mateo Municipal Health Office (MHO), katuwang din ang ating Gender and Development Office (GAD).

Bukod dito, nagkaroon din ng seminar para sa kanila tungkol naman sa family planning at HIV awareness na sinundan ng libreng HIV testing sa pangangasiwa ng Pilipinas Shell Foundation, Inc. at ng ating San Mateo Rizal Social Hygiene Clinic.

Dito sa Bayan ng San Mateo, ating tututukan ang kalusugan at kapakanan ng kababaihan!

#SanMateoRizalLGU
#SanMateoRizalPIO

March 20, 2024

PABATID | Free check-up for pets at Municipal Agriculture Office

Mayroong libreng check-up para sa ating mga alagang aso’t pusa bukas ng Huwebes, ika-21 ng Marso 2024, sa Municipal Agriculture Office, Nursery Rd., Brgy. Sta. Ana, San Mateo, Rizal, mula alas-8 ng umaga hanggang alas-3 ng hapon. Tumatanggap din dito ng anti-rabies vaccination at nagkakahalaga ito ng P100 kung unang beses pa lamang kayong magpapabakuna.

Sa mga nais pabakunahan ang kanilang mga alagang aso at pusa, narito ang inyong mga dapat tandaan:

Bago mabakunahan
1. Mga alagang hayop na nasa edad 3 buwan pataas lamang ang mga maaaring pabakunahan.
2. Walang sakit at hindi matamlay.
3. Hindi nakakagat sa loob ng 14 araw.
4. Hindi buntis.
5. Paliguan muna ang inyong mga alaga bago magtungo sa bakunahan.

Pagkatapos mabakunahan
1. Huwag paliguan ang inyong mga alaga sa loob ng 5 araw.
2. Huwag silang hayaang mapagod upang hindi sila mabinat.
3. Itago ang pet certificate na syang magsisilbing record para sa taunang pagbabakuna.

Hinihikayat natin ang mga may alagang aso’t pusa na samantalahin ang pagkakataon na ito para masiguro ang kalusugan nila.

#SanMateoRizalLGU
#SanMateoRizalPIO

March 19, 2024

PABATID | Aplikasyon para sa SPES/SEAP hatid ng PESO

Tinatawagan ang lahat ng mga mag-aaral at out-of-school youth ng ating bayan!

Sa muling pagbubukas ng ating Special Program for Employment of Students (SPES) at Student Employment Assistance Program (SEAP), sisimulan na ng ating Public Employment Service Office (PESO) ang pagtanggap ng mga kabataang nais maging benepisyaryo nito!

Maaari nang magparehistro at magpasa ng aplikasyon para rito simula bukas, ika-20 ng Marso 2024 sa link na ito: https://rb.gy/3u2knd. Hanggang ika-22 ng Marso (Biyernes) naman ang huling araw ng pagpaparehistro/pagsusumite ng inyong aplikasyon.

Limitado lamang ang slots para sa mga mapipiling aplikante kaya apply na! Dito sa ating bayan, oportunidad ang handog namin sa iyo!

#SanMateoRizalLGU
#SanMateoRizalPIO

March 19, 2024

ANUNSIYO TRAPIKO | One lane road closure sa Gen. Luna Ave.

Pansamantalang magkakaroon ng ONE LANE ROAD CLOSURE sa kahabaan ng Gen. Luna Ave., bandang Monterock sa Brgy. Dulong Bayan I simula bukas, ika-20 hanggang ika-25 ng Marso 2024. Ito ay upang bigyang daan ang isasagawang road reblocking ng Department of Public Works and Highways (DPWH) doon.

Ipapatupad din dito ang STOP AND GO TRAFFIC SCHEME kaya asahan ang posibleng pagbigat ng trapiko sa lugar. Maraming salamat sa inyong pag-unawa.

#SanMateoRizalLGU
#SanMateoRizalPIO

March 18, 2024

TINGNAN | Flag raising ceremony sa pangunguna ng San Mateo Public Market Office at Business Permits and Licensing Office

Ginanap ngayong araw ng Lunes ang regular na pagtataas ng bandila ng Pilipinas sa ating munisipyo sa pangunguna ng ating San Mateo Public Market Office at Business Permits and Licensing Office (BPLO). Kanilang iniulat ang naging pagpupunyagi ng kanilang mga tanggapan noong nagdaang mga buwan. Halimbawa nito ay ang naging renobasyon at pagsasaayos ng wet section ng ating Public Market at sa BPLO naman ang pagtaas ng halaga ng ating projected collection ngayong taon bunsod ng pagdami ng mga bagong negosyo sa ating bayan.

Mahalagang papel ang ginagampanan ng ating Public Market at BPLO sa pagyabong ng ating bayan, partikular na sa ekonomikong sektor nito. Patuloy ang ating pagsisikap na makapaghikayat pa ng mga mamumuhunan sa ating bayan. Dulot nito ay pag-angat hindi lamang ng ating ekonomiya kundi ang pangkalahatan nating kaunlaran. Muli, isang mainit na pagbati para sa ating lahat! Nawa’y naging makabuluhan at produktibo ang ating pagsisimula ng bagong linggong ito!

#SanMateoRizalLGU
#SanMateoRizalPIO

March 18, 2024

TINGNAN | Streamlined Migration Symposium hatid ng PESO

Sa pangunguna ng ating Public Employment Service Office (PESO San Mateo ), ginanap ang isang Streamlined Migration Symposium (SMS) nitong Biyernes, ika-15 ng Marso 2024, sa ating municipal stadium. Dinaluhan ito ng higit sa 500 mga magsisipagtapos na mag-aaral ng San Mateo Senior High School.

Narito rin sina Vice Mayor Jaime Rommel Roxas, Municipal Administrator Henry Desiderio, OWWA Regional Director Bb. Rosario Buracay, OWWA Provincial Supervisor Bb. Rachel Molino, Family Welfare Officer Bb. Jen Jumbas, San Mateo OFW Federation President Ptra. Terry Broqueza, at Department Manager of Global Filipino Movement Ptr. Allan Alicando bilang mga resource speakers.

Layunin ng naturang programa na mabigyan ng mga pauna at mahahalagang kaalaman ang ating mga kabataan ukol sa paghahanapbuhay sa ibang bansa. Hinihikayat din silang magsaliksik ng mga oportunidad na inihahandog ng ating bayan at bansa.

Dito sa San Mateo, sinisikap nating maihanda ang mga kabataan para sa kanilang kinabukasan!

#SanMateoRizalLGU
#SanMateoRizalPIO

March 18, 2024

PABATID | Free check-up for pets at Municipal Agriculture Office

Mayroong libreng check-up para sa ating mga alagang aso’t pusa bukas ng Martes, ika-19 ng Marso 2024, sa Municipal Agriculture Office, Nursery Rd., Brgy. Sta. Ana, San Mateo, Rizal, mula alas-8 ng umaga hanggang alas-3 ng hapon. Tumatanggap din dito ng anti-rabies vaccination at nagkakahalaga ito ng P100 kung unang beses pa lamang kayong magpapabakuna.

Sa mga nais pabakunahan ang kanilang mga alagang aso at pusa, narito ang inyong mga dapat tandaan:
Bago mabakunahan
1. Mga alagang hayop na nasa edad 3 buwan pataas lamang ang mga maaaring pabakunahan.
2. Walang sakit at hindi matamlay.
3. Hindi nakakagat sa loob ng 14 araw.
4. Hindi buntis.
5. Paliguan muna ang inyong mga alaga bago magtungo sa bakunahan.

Pagkatapos mabakunahan
1. Huwag paliguan ang inyong mga alaga sa loob ng 5 araw.
2. Huwag silang hayaang mapagod upang hindi sila mabinat.
3. Itago ang pet certificate na syang magsisilbing record para sa taunang pagbabakuna.

Hinihikayat natin ang mga may alagang aso’t pusa na samantalahin ang pagkakataon na ito para masiguro ang kalusugan nila.

#SanMateoRizalLGU
#SanMateoRizalPIO

March 17, 2024

TINGNAN | Youth Volunteer Consultation and Orientation hatid ng LYDO

Nagtipon ngayong araw sa ating municipal stadium ang higit sa 140 mga kabataang volunteers na masiglang nakibahagi sa ginanap na Youth Volunteer Consultation and Orientation. Sari-saring mga aktibidad ang inihanda ng ating San Mateo Local Youth Development Office para sa mga kalahok. Nagkaroon ng mga pampasiglang aktibidad, presentasyon at pagpapakilala sa LYDO at mga layunin nito, at hindi rin mawawala ang konsultasyon sa mga kabataan.

Nagbahagi naman ng makabuluhang mensahe sina Konsi Grace Diaz, SK Federation President Kyla Escobar, Municipal Administrator Henry Desiderio, at Rotaract Club of San Mateo Rizal Midtown President Renz Lenar Cabuag. Kanilang ipinarating ang kahalagahan ng pagkakaroon ng ganitong programa na nagbibigkis sa mga kabataan sa ating bayan at maging ng ibang bayan, at nagbibigay sa kanila ng oportunidad na mapaunlad ang lagay ng kanilang komunidad, kapwa, at sarili.

Patuloy lamang ang ating Pamahalaang Bayan sa paglulunsad ng mga programang nananawagan sa sama-samang pagkilos para sa kaunlarang panlahat! Dito sa ating bayan, bida ang boses ng kabataan!

#SanMateoRizalLGU
#SanMateoRizalPIO
#YouthVolunteerOrientation

March 16, 2024

TINGNAN | Low-cost Kapon para sa mga aso’t pusa

Isinagawa nitong Huwebes, ika-14 ng Marso 2024, ang murang pagkakapon para sa ating mga alagang aso’t pusa sa Municipal Agriculture Office (MAO). Katuwang ang Stray Neuter Project, higit sa 120 ang kabuuang bilang ng mga furbabies na nakapon sa murang halaga. Mayroon ding inihandog dito na libreng anti-rabies vaccination.

Maraming salamat Stray Neuter Project at sa ating mga pet owners na nakibahagi sa programang ito!

Dito sa ating bayan, alaga ang iyong alaga!

#SanMateoRizalLGU
#SanMateoRizalPIO

March 15, 2024

ANUNSIYO TRAPIKO | Mga prusisyon sa Kuwaresma 2024

Sa ating taimtim na paggunita sa panahon ng Kuwaresma ngayong taon, pansamantalang ipatutupad ang STOP AND GO TRAFFIC SCHEME sa kahabaan ng Gen. Luna Ave. upang magbigay daan sa ilang mga prusisyon na isasagawa sa mga araw at oras na ito:

March 25, 2024 - 7:00 PM hanggang 10:00 PM
March 27, 2024 - 7:00 PM hanggang 10:00 PM
March 29, 2024 - 5:00 PM hanggang 9:00 PM

Magsisimula ang mga prusisyong ito sa Diocesan Shrine and Parish of Nuestra Señora de Aranzazu (DSPNSDA) at babagtasin nito ang kahabaan ng Brgy. Sta. Ana, Brgy. Guitnang Bayan I at II, Brgy. Dulong Bayan I at II, Brgy. Malanday at pabalik ng DSPNSDA. Samantala, magkakaroon din ng prusisyon sa San Jose de Ampid Parish at Sta. Cecilia Parish na babagtas naman sa kani-kanilang mga lugar.

Inaabisuhan ang mga patungong Montalban na dumaan sa Paraiso (Miguel Cristi St.), kumaliwa sa Daang Bakal, dumiretso sa Patiis Rd. pabalik sa Gen. Luna Ave. at patungo sa inyong destinasyon.

Asahan ang pagbigat ng daloy ng trapiko. Maraming salamat sa inyong pag-unawa.

#SanMateoRizalLGU
#SanMateoRizalPIO

March 15, 2024

PAGDIRIWANG | National Women’s Month 2024

Woman of the Week: Jesusa “Tita Susan” Legaspi

Ngayong buwan ng Marso, ating ipinagbubunyi ang kontribusyon at kakayahan ng mga kababaihan na kanilang nilalaan para sa kapwa at bayan. Nagmumula sa kanilang mapagkalingang puso ang natatanging lakas upang pagbigkisin at gabayan ang iba tungo sa kanilang kaunlaran.

Dito sa ating bayan, kakayahan ng kababaihan, patutunayan!

#SanMateoRizalLGU
#SanMateoRizalPIO

March 14, 2024

PABATID | Flex Your Superwoman Photo Challenge

Ngayong National Women’s Month, i-flex mo na ang iyong superwoman!

Ibida na ang iyong sariling bersyon ng isang superwoman sa pagsali sa ating photo challenge. Ito na ang iyong pagkakataong maipamalas ang iyong paghanga sa natatanging babae ng iyong buhay sa pamamagitan ng pagbabahagi ng kaniyang litrato at ng iyong kwento!

Narito ang mechanics para sa mga nais lumahok:
1. I-post ang litrato ng iyong "superwoman" sa comment section ng Facebook post na ito. Maglagay din ng maikling caption na sumasagot sa tanong na "Bakit siya ang iyong superwoman?"
2. Mag-tag ng limang (5) Facebook friends sa iyong comment.
3. Kinakailangang may kasamang caption ang iyong ipo-post na litrato upang maging opisyal na entry ito. Maaaring magkaroon ng hanggang tatlong (3) magkakaibang entries ang isang (1) Facebook account.
4. Maaaring magpasa ng iyong entry hanggang 24 March 2024, 11:59 PM
5. Ang mga kalahok ay kailangang naka-follow sa San Mateo Rizal Public Information Office FB page at miyembro rin ng SMR Viber Community upang manalo.
6. I-send sa lgusmr.pio@gmail.com ang screenshot na nagpapatunay na ikaw ay naka-follow sa San Mateo Rizal Public Information Office FB page at miyembro rin ng SMR Viber Community, kasama ang iyong buong pangalan at contact number.

Espesyal na papremyo ang nag-aabang sa mga mananalong entry kaya naman ibida mo na ang superwoman ng buhay mo at ang iyong natatangi at nakaaantig na kwento!

#SanMateoRizalLGU
#SanMateoRizalPIO

March 13, 2024

PABATID | Free check-up for pets at Municipal Agriculture Office

Mayroong libreng check-up para sa ating mga alagang aso’t pusa bukas ng Huwebes, ika-14 ng Marso 2024, sa Municipal Agriculture Office, Nursery Rd., Brgy. Sta. Ana, San Mateo, Rizal, mula alas-8 ng umaga hanggang alas-3 ng hapon. Tumatanggap din dito ng anti-rabies vaccination at nagkakahalaga ito ng P100 kung unang beses pa lamang kayong magpapabakuna.

Sa mga nais pabakunahan ang kanilang mga alagang aso at pusa, narito ang inyong mga dapat tandaan:
Bago mabakunahan
1. Mga alagang hayop na nasa edad 3 buwan pataas lamang ang mga maaaring pabakunahan.
2. Walang sakit at hindi matamlay.
3. Hindi nakakagat sa loob ng 14 araw.
4. Hindi buntis.
5. Paliguan muna ang inyong mga alaga bago magtungo sa bakunahan.

Pagkatapos mabakunahan
1. Huwag paliguan ang inyong mga alaga sa loob ng 5 araw.
2. Huwag silang hayaang mapagod upang hindi sila mabinat.
3. Itago ang pet certificate na syang magsisilbing record para sa taunang pagbabakuna.
Hinihikayat natin ang mga may alagang aso’t pusa na samantalahin ang pagkakataon na ito para masiguro ang kalusugan nila.

#SanMateoRizalLGU
#SanMateoRizalPIO

March 12, 2024

HAPPENING NOW | Mobile blood donation activity ng MHO sa Brgy. Banaba

Isinasagawa ngayong araw ang isang bloodletting activity sa Doña Pepeng Covered Court, Brgy. Banaba. Hanggang alas-12 pa po ito ng tanghali kaya naman halina’t mag-donate na ng inyong dugo, kababayan!

Kailangan lamang tiyakin ang mga sumusunod:
1. Kinakailangang nasa mabuting kalusugan
2. May 6 hanggang 8 oras na tulog
3. Nasa 18 - 59 taong gulang ang edad
4. Hindi bababa sa 50kgs (110 lbs) ang timbang
5. Hindi uminom ng alak o anumang nakalalasing na inumin sa nakalipas na 24 na oras
6. Hindi nanigarilyo sa nakalipas na 6 na oras
7. Ang history of travel, medikasyon, piercing, at mga tattoo ay susuriin on site

Bayan ng San Mateo, katuwang mo sa kalusugan mo!

#SanMateoRizalLGU
#SanMateoRizalPIO

March 12, 2024

PABATID | Ramadan 2024

Nakikiisa ang Pamahalaang Bayan sa mga kapatid nating Muslim sa taimtim na pagdiriwang ng Ramadan. Sumainyo nawa ang pagpapala at kapayapaan.

#SanMateoRizalLGU
#SanMateoRizalPIO

March 11, 2024

TINGNAN | Flag raising ceremony sa pangunguna ng Municipal Budget Office

Ginanap ngayong araw ng Lunes ang regular na pagtataas ng bandila ng Pilipinas sa ating munisipyo sa pangunguna ng ating Municipal Budget Office. Kanilang iniulat ang naging pagpupunyagi ng kanilang tanggapan noong nagdaang mga buwan.

Ang ating Municipal Budget Office ay naatasang itaguyod ang pagkakaroon ng masusi, makatuwiran at epektibong pangangasiwa ng utilisasyon ng mga pondong ginagamit ng ating Pamahalaang Bayan sa pagsasakatuparan ng mga layunin nito. Sa wastong alokasyon ng badyet na tutugon sa pangangailangan at paggamit ng bawat tanggapan ng ating Pamahalaang Bayan, ating maihahandog ang mga programang nararapat para sa ating mga kababayan!

Nawa’y naging makabuluhan at produktibo para sa lahat ang naging pagsisimula ng bagong linggong ito!

#SanMateoRizalLGU
#SanMateoRizalPIO

March 11, 2024

PABATID | Mobile blood donation activity ng MHO

Bukas ng Martes, ika-12 ng Marso 2024, mula alas-8 ng umaga hanggang alas-12 ng tanghali, magsasagawa ang ating Municipal Health Office (MHO) ng isang bloodletting activity sa Doña Pepeng Covered Court, Brgy. Banaba.

PAALALA: Sa mga nais mag-donate ng dugo, narito ang mga kailangang tiyakin bago mag-donate:

1. Kinakailangang nasa mabuting kalusugan
2. May 6 hanggang 8 oras na tulog
3. Nasa 18 - 59 taong gulang ang edad
4. Hindi bababa sa 50kgs (110 lbs) ang timbang
5. Hindi uminom ng alak o anumang nakalalasing na inumin sa nakalipas na 24 na oras
6. Hindi nanigarilyo sa nakalipas na 6 na oras
7. Ang history of travel, medikasyon, piercing, at mga tattoo ay susuriin on site

Bayan ng San Mateo, katuwang mo sa kalusugan mo!

#SanMateoRizalLGU
#SanMateoRizalPIO

March 11, 2024

PABATID | Free check-up for pets at Municipal Agriculture Office

Mayroong libreng check-up para sa ating mga alagang aso’t pusa bukas ng Martes, ika-12 ng Marso 2024, sa Municipal Agriculture Office, Nursery Rd., Brgy. Sta. Ana, San Mateo, Rizal, mula alas-8 ng umaga hanggang alas-3 ng hapon. Tumatanggap din dito ng anti-rabies vaccination at nagkakahalaga ito ng P100 kung unang beses pa lamang kayong magpapabakuna.

Sa mga nais pabakunahan ang kanilang mga alagang aso at pusa, narito ang inyong mga dapat tandaan:

Bago mabakunahan
1. Mga alagang hayop na nasa edad 3 buwan pataas lamang ang mga maaaring pabakunahan.
2. Walang sakit at hindi matamlay.
3. Hindi nakakagat sa loob ng 14 araw.
4. Hindi buntis.
5. Paliguan muna ang inyong mga alaga bago magtungo sa bakunahan.

Pagkatapos mabakunahan
1. Huwag paliguan ang inyong mga alaga sa loob ng 5 araw.
2. Huwag silang hayaang mapagod upang hindi sila mabinat.
3. Itago ang pet certificate na syang magsisilbing record para sa taunang pagbabakuna.

Hinihikayat natin ang mga may alagang aso’t pusa na samantalahin ang pagkakataon na ito para masiguro ang kalusugan nila.

#SanMateoRizalLGU
#SanMateoRizalPIO

March 10, 2024

PABATID | San Mateo Rizal Viber Community

Ang pagdadala sa ating mga kababayan ng impormasyon, ating pinaiigting pa! Ang ating Bayan ng San Mateo Rizal, may Viber Community na kaya kung hindi ka pa member, mag-register na! Lahat ng kailangan mong malaman ay nasa ating Viber community na kaya i-scan mo na ang QR code sa larawan sa ibaba para makasali. Maaari mo ring bisitahin ang link na ito: http://bit.ly/SanMateoRizalCommunity.

Agarang impormasyon ay mapapasa’yo na kaya join na sa ating San Mateo Rizal Viber Community!

#SanMateoRizalLGU
#SanMateoRizalPIO

March 9, 2024

TINGNAN | BFP Tree Planting Activity

Nagsagawa ng Tree Planting Activity ngayong araw ang BFP R4A San Mateo Fire Station sa Divine Mercy, Brgy. Guitnang Bayan I. Nakasama nila rito ang mga kinatawan mula sa ating Philippine National Police (PNP), Bureau of Jail Management and Penology (BJMP), San Mateo Rizal Municipal Environment and Natural Resources Office, Municipal Agriculture Office - San Mateo Rizal Admin Municipal Agriculture Office - San Mateo Rizal Admin, at Marikina City Fire Station.

Kabilang ang naturang aktibidad sa ilan pang mga aktibidad ng Bureau of Fire Protection na nagtatampok ng ating sama-samang pagkilos at pagkakaisa. Layunin nitong maipaalala sa atin na ngayong Fire Prevention Month, sa pag-iwas sa sunog ay ‘di tayo nag-iisa. Muli, maraming salamat sa lahat ng nakibahagi sa Tree Planting Activity ng BFP ngayong araw!

Dito sa San Mateo, sama-sama tayo sa pagkakaroon ng isang handa at ligtas na bayan!

#SanMateoRizalLGU
#SanMateoRizalPIO

March 9, 2024

TINGNAN | Community-Based Drug Rehabilitation Program Batch 3

Maagang nagsimula ngayong araw ang ikalawang session ng 8-week Community-Based Drug Rehabilitation Program na handog ng ating Pamahalaang Bayan para sa ating mga kababayang Person Who Used Drugs (PWUDs). Nagtipon sa Admin Office ng ating municipal stadium ang higit sa 50 mga PWUDs at sila’y aktibong nakibahagi sa mga makabuluhang talakayan hatid nina Police Senior Master Sergeant (PSMS) Anthony Francisco at Ptr. Marcelino Lim, Jr.

Bilang nagkakaisang bayan, tulong-tulong tayo sa pagtataguyod ng isang ligtas, mapayapa, at mapagkalingang komunidad para sa lahat! Bayan ng San Mateo, serbisyo at kahusayan ang alay sa’yo!

#SanMateoRizalLGU
#SanMateoRizalPIO

March 8, 2024

TINGNAN | LTO Orientation and Deputation Training Seminar

Isinagawa simula kahapon, ika-7 ng Marso 2024, hanggang ngayong araw sa Alberto’s Banquet Hall, Brgy. Malanday, ang Day 1 at Day 2 ng LTO Orientation and Deputation Training Seminar sa pangunguna ng mga kinatawan ng Land Transportation Office (LTO). Dinaluhan ito ng halos 180 mga kawani ng ating Department of Public Order and Safety (DPOS), Bureau of Jail Management and Penology (BJMP), at ng Philippine National Police (PNP).

Sa mga naging talakayan ay kanilang muling binisita ang mga umiiral nang batas trapiko, ang ginagawang pagpapatupad sa mga ito, at iba pang mga nauugnay na batas. Layunin ng naturang training seminar na mapaigting ang kaalaman at kasanayan ng mga traffic enforcers dito sa ating bayan. Nakatuon din ito sa pag-deputize o pagbibigay ng awtorisasyon ng LTO sa kanila upang mangumpiska ng lisensya ng mga lumalabag sa batas trapiko.

Maraming salamat pong muli sa ating mga resource speaker na sina Dr. Christopher A. Batoon, DPA - Chief, LTO Antipolo District Office; G. Edgar L. Cabase Jr. - Chief LTO San Mateo Ext. Office; at Chester Paul R. De Villa ng LTO Driver's License Renewal Office, SM City San Mateo.

Bayan ng San Mateo, bayang kahusayan at serbisyo ang handog sa iyo!

#SanMateoRizalLGU
#SanMateoRizalPIO

March 8, 2024

TINGNAN | Seminar Workshop on Urban Agriculture sa San Mateo Elementary School

Nagtipon-tipon ngayong araw sa San Mateo Elementary School ang mga mag-aaral ng Alternative Learning System (ALS) mula sa iba’t ibang mga paaralan sa ating bayan para sa Seminar Workshop on Urban Agriculture. Pinangunahan ito ng ating Municipal Agriculture Office (MAO), katuwang si G. Marvin “Katanim” Baeza bilang resource speaker. Matapos ang naging talakayan ukol sa hydroponics basics, kaagad na sumailalim sa hands-on training sa pagtatanim ang mga mag-aaral.

Layunin ng naturang pagsasanay na bigyan ng karagdagang kaalaman ang ating mga ALS student pagdating sa mga alternatibong pamamaraan ng pagtatanim at paigtingin ang kanilang kasanayan dito. Ang pagkumpleto sa 4 na session ng seminar na ito at ang pagpasa sa isasagawang practical test sa susunod na linggo ang kakailanganin ng mga mag-aaral upang sila’y magkaroon ng sertipiko ng pagtatapos.

Dito sa ating bayan, mayroong handog na ibayong kaalaman at kasanayan para sa ating mga kababayan!

#SanMateoRizalLGU
#SanMateoRizalPIO

March 8, 2024

PAGDIRIWANG | National Women’s Month 2024

Woman of the Week: FO1 Elvie Olitres

Ngayong buwan ng Marso, ating ipinagbubunyi ang kontribusyon at kakayahan ng mga kababaihan na kanilang nilalaan para sa kapwa at bayan. Buong husay kung kanilang gampanan ang kanilang mga tungkulin at hindi ito malilimitahan ng kanilang kasarian.

Dito sa ating bayan, kakayahan ng kababaihan, patutunayan!

#SanMateoRizalLGU
#SanMateoRizalPIO

March 8, 2024

PAGDIRIWANG | International Women’s Day 2024

Nakikiisa ang ating Pamahalaang Bayan sa selebrasyon ng International Women’s Day ngayong araw na may temang: “Invest in Women: Accelerate Progress.” Sa natatanging araw na ito ay ating kinikilala at binibigyang pugay ang pagpupunyagi ng mga kababaihan sa iba’t ibang larangan mula sa iba’t ibang panig ng daigdig. Patuloy lamang ang ating Pamahalaang Bayan sa pagsisikap na makapaglunsad ng anumang aktibidad at mga interbensyong makapagpapaangat sa kakayahan ng ating mga kababaihan tungo sa kanilang kaunlaran sa ating lipunan.

Mula sa aming bayan ng San Mateo, isang simboliko at makabuluhang pagdiriwang ng International Women’s Day!

#InvestinWomen
#SanMateoRizalLGU
#SanMateoRizalPIO

March 7, 2024

TINGNAN | Gender Sensitivity Training for Male Spouses hatid ng Gender and Development Office

Sa patuloy na pakikiisa ng ating Pamahalaang Bayan sa paggunita ng Pambansang Buwan ng Kababaihan, ginanap ngayong araw sa ating municipal stadium ang isang Gender Sensitivity Training para sa higit 200 mga kalalakihang benepisyaryo ng Pantawid Pamilyang Pilipino Program (4Ps).

Dito’y nagkaroon ng makabuluhan at interaktibong talakayan ukol sa kasarian at ang mga mahahalagang usaping nakapaloob dito. Nagsilbing guest speaker sina Police Senior Master Sergeant (PSMS) Elinor B. Mina ng Women and Child Protection Desk (WCPD), Bb. Ivy A. Obar at Bb. Heirell S. Libao ng Department of Social Welfare and Development (DSWD). Narito rin sina Mayor Omie Rivera at Konsi Grace Diaz na kapwa nagbahagi ng mensahe sa patuloy na pagsusumikap ng ating Pamahalaang Bayan na pataasin ang antas ng ating kamalayan patungkol sa usaping kasarian.

Bayan ng San Mateo, bayang handog ay kaalaman sa ating mga kababayan!

#SanMateoRizalLGU
#SanMateoRizalPIO

March 6, 2024

PABATID | Trabaho para sa mga taga-San Mateo!

Magsasagawa ng isang Local Recruitment Activity (LRA) para sa Academy of Operation Excellence and Services Inc. ang ating Public Employment Service Office (PESO). Para sa mga nais mag-apply, magtungo lamang sa lobby, unang palapag ng ating munisipyo, sa darating na Martes, ika-12 ng Marso 2024, mula alas-9 ng umaga hanggang alas-2 ng hapon. Abot-kamay mo na ang trabaho kababayan kaya apply na!

#SanMateoRizalLGU
#SanMateoRizalPIO

March 6, 2024

TINGNAN | Pamamahagi ng tulong pinansyal sa ilalim ng programang Assistance to Individuals in Crisis Situation (AICS)

Tulong pinansiyal sa ilalim ng Assistance to Individuals in Crisis Situation (AICS) ang handog ng tanggapan ni Sen. Francis Tolentino at ng Department of Social Welfare and Development (DSWD) sa ating mga kababayang nabibilang sa mga bulnerableng sektor kahapon, ika-5 ng Marso 2024. Nasa 600 ang naitalang mga benepisyaryo nito at 6 naman ang nakatanggap ng libreng wheelchair.

Dumalo at nagparating ng kanilang mga pasasalamat sina Mayor Omie Rivera, Congressman Jojo Garcia, Bokal JP Bautista, Vice Mayor Jaime Romel M. Roxas, Konsi Grace Diaz, Konsi Jojo Juta, Konsi Joey Briones, at Municipal Administrator Henry Desiderio.

Maraming salamat sa inyong suporta at mga kaloob sa ating mga kababayan, Sen. Francis Tolentino at DSWD!

#SanMateoRizalLGU
#SanMateoRizalPIO

March 6, 2024

TINGNAN | Paglulunsad ng Project TRANSFORM

Nagtipon nitong Huwebes, ika-29 ng Pebrero 2024, sina DENR Secretary Maria Antonia Yulo-Loyzaga, Gov. Nina Ynares, 3 punongbayan at 1 kinatawan mula sa bayan ng Antipolo, Tanay, Baras, San Mateo, at Montalban at ang mga kinatawan mula sa iba’t ibang mga pribadong sektor at organisasyon para sa paglulunsad ng Project TRANSFORM (Transdisciplinary Approach for Resilient and Sustainable Communities through Multistakeholder Engagement).

Nagsimula ito sa isang tree planting activity sa Hinulugang Taktak Protected Landscape na pinangunahan ng mga piling kinatawan mula sa sektor ng kabataan. Sunod naman silang nagtungo sa Ynares Event Center kung saan ginanap ang pagpirma ng Memorandum of Agreement, Pledge of Commitment, at Partnership Agreement sa kabataang sektor. Nagkaroon din dito ng seremonyal na pag-turnover ng seedlings o punla.

Kabilang ang ating bayan sa iilang mga bayan sa lalawigan ng Rizal na nakibahagi sa naturang programa. Tinitiyak natin ang pakikiisa sa mga proyektong makatutulong sa pagpapaigting ng ating disaster risk reduction o pagbabawas ng risko sa ating komunidad. Nais din nating maging handa sa pagharap sa epekto ng pabago-bagong klima at panahon.

Bayan ng San Mateo, handa tayo rito!

#SanMateoRizalLGU
#SanMateoRizalPIO

March 6, 2024

PABATID | Free check-up for pets at Municipal Agriculture Office

Mayroong libreng check-up para sa ating mga alagang aso’t pusa bukas ng Huwebes, ika-7 ng Marso 2024, sa Municipal Agriculture Office, Nursery Rd., Brgy. Sta. Ana, San Mateo, Rizal, mula alas-8 ng umaga hanggang alas-3 ng hapon. Tumatanggap din dito ng anti-rabies vaccination at nagkakahalaga ito ng P100 kung unang beses pa lamang kayong magpapabakuna. Sa mga nais pabakunahan ang kanilang mga alagang aso at pusa, narito ang inyong mga dapat tandaan:

Bago mabakunahan
1. Mga alagang hayop na nasa edad 3 buwan pataas lamang ang mga maaaring pabakunahan.
2. Walang sakit at hindi matamlay.
3. Hindi nakakagat sa loob ng 14 araw.
4. Hindi buntis.
5. Paliguan muna ang inyong mga alaga bago magtungo sa bakunahan.

Pagkatapos mabakunahan
1. Huwag paliguan ang inyong mga alaga sa loob ng 5 araw.
2. Huwag silang hayaang mapagod upang hindi sila mabinat.
3. Itago ang pet certificate na syang magsisilbing record para sa taunang pagbabakuna.

Hinihikayat natin ang mga may alagang aso’t pusa na samantalahin ang pagkakataon na ito para masiguro ang kalusugan nila.

#SanMateoRizalLGU
#SanMateoRizalPIO

March 5, 2024

TINGNAN | Farmer Field School Graduation

Matapos sumailalim sa 8-week Farmer Field School Program, masiglang nagtapos ang higit sa 45 mga upland farmers mula sa Brgy. Pintong Bukawe ngayong araw. Pinangasiwaan ito ng ating Municipal Agriculture Office - San Mateo Rizal Admin (MAO) na bukod sa paggawad ng sertipiko ng pagtatapos ay nagbigay din ng pagkilala sa ilang mga natatanging graduate ng programa.

Naghandog ng maikling tula at mensahe si G. Jesusa “Tita Susan” Legaspi, presidente ng samahan ng upland farmers. Kaniyang ipinarating ang pasasalamat ng lahat ng mga magsasaka sa suportang ibinibigay ng Pamahalaang Bayan sa kanila at sa sektor ng agrikultura sa kabuuan. Sa pagtatapos ng aktibidad ay naghandog sa mga magsasaka ng isang knapsack sprayer ang MAO at namahagi rin sila ng Hydroponics Solution (Snap A and Snap B).

Isang malugod na pagbati para sa ating Farmer Field School Graduates! Nawa’y mas lumago pa ang mga kaalamang naibahagi sa inyo nang ito’y mas maging kapaki-pakinabang pa para sa inyo!

Dito sa ating bayan, sektor ng agrikultura at mga magsasaka, atin pang mas nililinang at pinagyayaman!

#SanMateoRizalLGU
#SanMateoRizalPIO

March 5, 2024

TINGNAN | BFP San Mateo Fire Station Open House

Naging interaktibo ang ginanap na Open House ngayong araw ng San Mateo - Bureau of Fire Protection (BFP) na dinaluhan ng ilang mga mag-aaral mula sa mula sa Nuestra Señora de Aranzazu Parochial School (NSDAPS). Pinangunahan ni FO1 Cristine Dianne M. Cabangon ang presentasyon at pag-demo ng tamang paggamit ng ilang mga pamatay-sunog, maging ang wastong pagsusuot ng kumpletong personal protective equipment o PPE ng mga bumbero. Binigyang pagkakataon din ang mga estudyante na makasakay sa isang fire truck at malaman kung paano ginagamit ang bawat bahagi nito sa pag-apula ng apoy.

Sa ating patuloy na paggunita sa buwan ng Marso bilang Fire Prevention Month, layunin ng Open House ng San Mateo BFP na makapagbigay ng kaalaman sa ating mga kabataan ukol sa fire safety. Dahil sa pag-iwas sa sunog, hindi tayo nag-iisa!

Dito sa ating bayan, maalam ang ating mga kababayan!

#SanMateoRizalLGU
#SanMateoRizalPIO

March 5, 2024

HAPPENING NOW | Barangay Newly Elected Officials Basic Orientation Course

Pinangunahan ng Department of the Interior and Local Government (DILG) ang isinasagawa ngayong araw na Day 1 ng Barangay Newly Elected Officials (BNEO) Basic Orientation Course sa Estancia De Lorenzo. Narito ang mga punong barangay, mga kagawad, mga Sangguniang Kabataan (SK) chairperson, SK secretary, at SK treasurer ng iba’t ibang mga barangay sa ating bayan.

Ang BNEO Basic Orientation Course ay serye ng mga pagsasanay na huhubog sa kaalaman at kakayahan ng mga namumuno sa bawat barangay. Layunin nitong ihanda sila sa kanilang tungkulin at responsibilidad para sa ikauunlad ng kanilang mga nasasakupan sa anumang aspeto at sektor.

#SanMateoRizalLGU
#SanMateoRizalPIO

March 4, 2024

TINGNAN | Flag raising ceremony sa pangunguna ng Tourism Office at Gender and Development Office

Ginanap ngayong araw ng Lunes ang regular na pagtataas ng bandila ng Pilipinas sa ating munisipyo sa pangunguna ng ating Tourism Office at Gender and Development (GAD) Office. Kanilang iniulat ang naging pagpupunyagi ng kanilang mga tanggapan noong nagdaang mga buwan.

Ilan sa mga ito ay ang patuloy na pagdami ng mga tourism-related establishment sa ating bayan na nabibigyang akreditasyon ng Department of Tourism; ating pakikibahagi sa mga aktibidad na nag-aangat sa kamalayan at nagtatampok ng ating sining at kultura gaya ng mga lakbay-aral at lokal na selebrasyon ng National Arts Month; at ang pinaigting na paglulunsad ng GAD ng sari-saring mga programa at aktibidad para sa kapakinabangan ng ating mga kababayan. Nag-anunsiyo na rin ng mga ating mga aktibidad para naman sa ating selebrasyon ng National Women’s Month

Matapos ang mga pag-uulat ay nagkaroon din ng paggawad ng sertipiko ng pagkilala sa pamunuan ng Brgy. Guitnang Bayan I, sa pangunguna ng punong barangay nito na si Kap. Jomer Alejandro Cruz, bilang isang Drug Cleared Barangay. Samantala, nagbahagi naman ng maikling mensahe sina outgoing Fire Marshal ng San Mateo BFP na si FCInsp. Elmer Maronilla at ang ating bagong Municipal Fire Marshal na si FCInsp. Richard Erickson Malamug.

Nawa’y naging makabuluhan at produktibo para sa lahat ang ating pagsisimula ng bagong linggong ito!

#SanMateoRizalLGU
#SanMateoRizalPIO

March 4, 2024

PABATID | Free check-up for pets at Municipal Agriculture Office

Mayroong libreng check-up para sa ating mga alagang aso’t pusa bukas ng Martes, ika-5 ng Marso 2024, sa Municipal Agriculture Office, Nursery Rd., Brgy. Sta. Ana, San Mateo, Rizal, mula alas-8 ng umaga hanggang alas-3 ng hapon. Tumatanggap din dito ng anti-rabies vaccination at nagkakahalaga ito ng P100 kung unang beses pa lamang kayong magpapabakuna.

Sa mga nais pabakunahan ang kanilang mga alagang aso at pusa, narito ang inyong mga dapat tandaan:

Bago mabakunahan:
1. Mga alagang hayop na nasa edad 3 buwan pataas lamang ang mga maaaring pabakunahan.
2. Walang sakit at hindi matamlay.
3. Hindi nakakagat sa loob ng 14 araw.
4. Hindi buntis.
5. Paliguan muna ang inyong mga alaga bago magtungo sa bakunahan.

Pagkatapos mabakunahan:
1. Huwag paliguan ang inyong mga alaga sa loob ng 5 araw.
2. Huwag silang hayaang mapagod upang hindi sila mabinat.
3. Itago ang pet certificate na syang magsisilbing record para sa taunang pagbabakuna.

Hinihikayat natin ang mga may alagang aso’t pusa na samantalahin ang pagkakataon na ito para masiguro ang kalusugan nila.

#SanMateoRizalLGU
#SanMateoRizalPIO

March 3, 2024

TINGNAN | Pagpapasinaya ng LTO San Mateo Extension Office

Isinagawa nitong Biyernes, ika-1 ng Marso 2024, ang inagurasyon at pagbabasbas ng extension office ng Land Transportation Office (LTO) dito sa ating bayan. Dumalo at nagbahagi rito ng inspirasyunal na mensahe sina Mayor Omie Rivera, Vice Mayor Jaime Romel M. Roxas, Konsi Grace Diaz, LTO Assistant Regional Director Joseph Orense, at LTO Assistant Secretary Atty. Vigor Mendoza II.

Handog ng LTO San Mateo Extension Office ang sari-saring mga serbisyo para sa ating mga kababayan gaya ng issuance at renewal ng driver’s license, pagpaparehistro ng mga sasakyan, at marami pang iba. Bukas ito mula Lunes hanggang Biyernes, mula alas-8 ng umaga hanggang alas-5 ng hapon.

#SanMateoRizalLGU
#SanMateoRizalPIO

March 3, 2024

PAGDIRIWANG | Rabies Awareness Month 2024

Ating ginugunita ngayong buwan ng Marso ang Rabies Awareness Month alinsunod sa Executive Order No. 84, s. 1999 na nilagdaan ni dating Pangulo Joseph Estrada. Sama-sama nating itaguyod ang kampanya ukol sa rabies awareness sa pamamagitan ng ating pakikibahagi sa mga isinasagawang programa ng ating Animal Welfare Office (AWO) at Municipal Agriculture Office (MAO) gaya ng pagpapa-check-up at pagpapabakuna kontra rabies ng ating mga alagang aso’t pusa.

Tayo na tungo sa rabies-free na pamayanan, kababayan! Dito sa San Mateo, may kalingang handog sa iyo at sa iyong alaga!

#SanMateoRizalLGU
#SanMateoRizalPIO

March 3, 2024

TINGNAN | Poster Making Contest ng BFP - San Mateo

Isinagawa kahapon, ika-1 ng Marso 2024, sa SM City San Mateo Activity Center ang isang poster making contest na nilahukan ng higit sa 20 mga mag-aaral mula sa iba’t ibang mga pampublikong elementary schools sa ating bayan. Sila’y nagpamalas ng kani-kaniyang husay at pagkamalikhain sa kanilang mga likhang-sining na sumasalamin sa temang, “Bumbero sa Pamayanan; Kasangga, Kaibigan.” Ang matagumpay na magkakamit ng 1st place ay mapipiling magtampok ng kaniyang likha sa panlalawigang art exhibit ng Bureau of Fire Protection (BFP).

Ating paigtingin ang ating kamalayan at kahandaan laban sa sunog ngayong Fire Prevention Month! Dito sa San Mateo, sama-sama tayo sa pagkakaroon ng isang alerto, maalam, at ligtas na bayan!

#SanMateoRizalLGU
#SanMateoRizalPIO

March 3, 2024

TINGNAN | Pugay Tagumpay para sa mga nagtapos sa 4Ps Program

Isinagawa kahapon, ika-29 ng Pebrero 2024, sa ating municipal stadium ang Pugay Tagumpay o graduation rites para sa mga household-beneficiaries na nagtapos sa programa ng Pantawid Pamilyang Pilipino Program (4Ps). Pinangunahan ito ng Department of Social Welfare and Development (DSWD) at ng ating Municipal Social Welfare and Development Office (MSWDO).

Mahigit 500 pamilya mula sa iba’t ibang barangay ng ating bayan ang binigyang pagkilala sa layong parangalan ang kanilang pagpupursigi na maiahon sa buhay ang kanilang pamilya sa tulong ng 4Ps.

Pagbating muli sa inyo, graduates!

#SanMateoRizalLGU
#SanMateoRizalPIO

March 2, 2024

HAPPENING NOW | Fire Prevention Month Kick-off Motorcade 2024

Binigyang hudyat ng isang motorcade ngayong araw ang pagsisimula ng mga aktibidades sa ating paggunita sa buwan ng Marso bilang Fire Prevention Month. Pinangungunahan ito ng ating Bureau of Fire Protection (BFP) - San Mateo, kasama ang Bureau of Jail Management and Penology (BJMP), ating Municipal Disaster Risk Reduction and Management Office (MDRRMO), Kabalikat Civicom, at mga delegasyon ng Barangay Disaster Risk Reduction and Managament Office (BDRRMO) mula sa iba't ibang barangay sa ating bayan.

Binabagtas ng motorcade ang kahabaan ng Gen. Luna Ave, mula sa Brgy. Silangan hanggang sa Brgy. Burgos sa Montalban.

#SanMateoRizalLGU
#SanMateoRizalPIO

March 2, 2024

PAGDIRIWANG | Fire Prevention Month 2024

Ang buwan ng Marso ay tinagurian ding Fire Prevention Month o Buwan ng Pag-iwas sa Sunog. Layunin ng paggunita nito ang maiparating sa ating mga kababayan ang kahalagahan ng pagiging maalam, maingat, at handa sakaling maharap sa ganitong bantang panganib.

Paalala ng ating Bureau of Fire Protection, “Sa pag-iwas sa sunog, ‘di ka nag-iisa!” Sama-sama tayong makibahagi sa mga inihandang aktibidad ng BFP para sa pag-alala ng Fire Prevention Month ngayong taon, mga kababayan!

#SanMateoRizalLGU
#SanMateoRizalPIO

March 2, 2024

TINGNAN | National Arts Month 2024

Bilang kulminasyon ng mga sari-saring aktibidad na ating inilunsad sa nagdaang National Arts Month, ginawaran ng pagkilala kahapon, ika-29 ng Pebrero 2024, ang mga nagwagi sa ating mga patimpalak.

Maligayang pagbati para sa mga sumusunod na nagkamit ng unang parangal:

- John Carlos G. Pormento, Shemil Calleigh I. Cabungan, Jewelle Mae R. Hapon (mula sa Jose F. Diaz Memorial National High School)- Mural Painting Contest
- Mark Rayven Bruzola (mula sa Gulod Malaya Elementary School) - Poetry Contest
- Ryan Abigael Tutanez - Short Filmmaking Contest (Tatlumpung Segundo)

Nagkaroon din dito ng espesyal na pagtatanghal mula sa Little Strings ng sa Special Program in the Arts (SPA) ng DepEd San Mateo at Philippine Xtreme. Samantala, dumalo rin dito sina Mayor Omie Rivera, Vice Mayor Jaime Romel M. Roxas, Konsi Boy Salen, at Municipal Administrator Henry Desiderio. Ipinahayag nila ang kanilang pasasalamat sa pakikibahagi ng ating mga kababayan sa ating mga naging aktibidad. Sa pamamagitan nito, sila’y nagsisilbi na ring mga tagapagtaguyod ng sining at kultura, at pagpapakita ng talento sa ating bayan.

Muli, isang pagbati at pasasalamat sa mga nakibahagi sa ating selebrasyon ng Pambansang Buwan ng Sining ngayong taon! Dito sa ating bayan, buhay ang diwang malikhain!

#NAM2024
#SanMateoRizalLGU
#SanMateoRizalPIO

March 1, 2024

PAGDIRIWANG | National Women’s Month 2024

“Lipunang Pataas sa Bagong Pilipinas: Kakayahan ng Kababaihan, Patutunayan!”

Nakikiisa ang ating Pamahalaang Bayan sa paggunita ng Pambansang Buwan ng mga Kababaihan ngayong taon. Patuloy nating itaguyod ang isang lipunang patas at may mataas na pagkilala sa kakayahan ng bawat kababaihan.

Dito sa ating bayan, suportado ang mga kababaihan! Happy National Women’s Month!

#SanMateoRizalLGU
#SanMateoRizalPIO