Ginawaran ang ating bayan ng pagkilala ng Department of the Interior and Local Government (DILG) CALABARZON sa ginanap na 1st CALABARZON SubayBayani Awards nitong ika-7 ng Disyembre sa Summit Ridge Hotel, Tagaytay City, Cavite.

Kinilala ang San Mateo, Rizal bilang Top LGU Implementer in Category C- 1st to 3rd Class Municipalities. Bunga ito ng epektibong pangangasiwa at implemetasyon ng ating mga locally-funded projects (LFPs) sa pangunguna ng Municipal Planning and Development Office (MPDO), mula 2017 hanggang sa kasalukuyan.

Sa tulong naman ng ating Municipal Engineering Office (MEO) ay masusing naitala at naisumite ang mga dokumentong siyang binigyang ebalwasyon ng ahensya sa SubayBayan System— ang opisyal na monitoring platform ng DILG. Tinanggap ni Atty. Jay Quintos ng Office of the Municipal Administrator ang plake ng pagkilala kasama si Bb. Sherlyn A. Oñate-Resurreccion, MLGOO ng DILG sa San Mateo, Rizal na mayroon ding Certificate of Appreciation para sa kanyang partisipasyon sa paunang pagsuri ng ating mga dokumento. Pagbati po para sa ating mga opisina! Inyong ipinapakita na dito sa San Mateo, patuloy nating paglilingkuran ang bayan nang may kahusayan para sa inaasam na kaunlaran!

Kinilala ang ating bayan at maging ang lalawigan ng Rizal nitong Oktubre 20 sa katatapos lang na 10th Cities and Municipalities Competitive Summit ng Department of Trade and Industry (DTI). Ginanap ito sa Philippine International Convention Center (PICC) sa Pasay City. Kabilang sa mga parangal na nakamit ng ating bayan ay ang mga sumusunod:

TOP I Most Competitive in Resiliency among 1st and 2nd Class Municipalities in the Philippines

TOP 4 Overall Most Competitive LGU among 1st and 2nd Class Municipalities in the Philippines

TOP 8 Most Competitive in Infrastructure among 1st and 2nd Class Municipalities in the Philippines


Ang atin namang lalawigan ng Rizal ay pinarangalan bilang Top I Most Competitive Province in the Philippines sa loob ng pitong magkakasunod na taon. Bilang kinatawan ng ating Pamahalaang Bayan, tinanggap nina Mayor Omie Rivera, Konsi Joey Briones at Konsi BOY Salen ang mga parangal. Sa kaniyang 1st 100 Days Report, pinasalamatan ni Mayor Omie ang nakaraang administrasyon at ang mga kawani ng Municipal Planning and Development Office (MPDO) sa pagiging bahagi ng naturang parangal.

Ginawaran ang ating bayan ng pagkilala ng Department of the Interior and Local Government (DILG) CALABARZON sa ginanap na 1st CALABARZON SubayBayani Awards nitong ika-7 ng Disyembre sa Summit Ridge Hotel, Tagaytay City, Cavite.

Kinilala ang San Mateo, Rizal bilang Top LGU Implementer in Category C- 1st to 3rd Class Municipalities. Bunga ito ng epektibong pangangasiwa at implemetasyon ng ating mga locally-funded projects (LFPs) sa pangunguna ng Municipal Planning and Development Office (MPDO), mula 2017 hanggang sa kasalukuyan. Sa tulong naman ng ating Municipal Engineering Office (MEO) ay masusing naitala at naisumite ang mga dokumentong siyang binigyang ebalwasyon ng ahensya sa SubayBayan System— ang opisyal na monitoring platform ng DILG. Tinanggap ni Atty. Jay Quintos ng Office of the Municipal Administrator ang plake ng pagkilala kasama si Bb. Sherlyn A. Oñate-Resurreccion, MLGOO ng DILG sa San Mateo, Rizal na mayroon ding Certificate of Appreciation para sa kanyang partisipasyon sa paunang pagsuri ng ating mga dokumento. Pagbati po para sa ating mga opisina! Inyong ipinapakita na dito sa San Mateo, patuloy nating paglilingkuran ang bayan nang may kahusayan para sa inaasam na kaunlaran!

Ginawaran ng pagkilala mula sa Department of Health (DOH) CALABARZON ang ating San Mateo Municipal Health Office (MHO) sa ginanap na Malaria-Free Regional Celebration kahapon, ika-17 ng Abril, sa Novotel Hotel, Araneta City, Cubao, Quezon City.

Kasama sina Vice Mayor Jimmy Roxas at Konsi Leo Buenviaje, tinanggap nina Dr. Nyl Jarem Amoroso at mga medical technologists ng MHO na sina Ms. Wilma Nartatez, Ms. Regine Baitlon, at Nurse Dorothy Cabanit ang plake ng pagkilala. Ang gawad-pagkilala na ito ay inihandog sa mga bayan sa lalawigan ng Rizal para sa kanilang natatanging kontribusyon at ipinamalas na dedikasyon sa pagkakaroon ng dekalidad na diagnostic services na naaayon sa batayan ng Malaria Quality Assurance System– isang mahalagang bahagi sa pagpapanatili ng malaria-free status ng lalawigan.